បាល់ទាត់៖ ខ្សែប្រយុទ្ធប៉ូឡូញ Robert Lewandowski រកបានគ្រាប់ទី100 របស់ខ្លួនឲ្យជើងឯកអាល្លឺម៉ង់ Bayern Munich បន្ទាប់ពីធ្វើបាន Hat-Trick ឲ្យ Bayern Munich យកឈ្នះ Hamburg 6-0 ចុងសប្ដាហ៍កន្លងទៅសប្ដាហ៍ទី26 ក្របខណ្ឌអាល្លឺម៉ង់ Bundesliga។
គ្រាប់ដំបូងកើតឡើងនៅនាទីទី9 ដោយ Frank Ribery មុនពេលដែល ខណៈគ្រាប់ទី2 ធ្វើបាននៅនាទីទី12 ដោយការតែតបញ្ចូលទីរបស់ Lewandowski មុនពេលគ្រាប់ទីបីកើតឡើង 7នាទីបន្ទាប់ដោយអតីតខ្សែប្រយុទ្ធ Dortmund រូបនេះដដែល។ វគ្គទីមួយ 3-0 វគ្គទី2 ម្ចាស់ផ្ទះបន្ថែមបីគ្រាប់ទៀតដោយ Arjen Robben នាទីទី55។ មុនចប់ការប្រកួតនៅសល់ 9នាទីទៀតកីឡាករបារាំង Frank Ribery ក៏រកបានគ្រាប់ទី2 របស់ខ្លួន និងជាគ្រាប់នាំមុខ 5-0 សំរាប់ Bayern Munich។ មិនទាន់អស់នៅឡើយ Lewandowski មានឱកាសស៊ុតបាល់ 11ម៉ែត្រនាទីទី86 តែមិនចូល។
យ៉ាងណាក៏ដោយហៀបចប់ការប្រកួតទៅហើយ គ្រាប់បាល់ 11ម៉ែត្រមួយទៀតកើតឡើង ម្ដងនេះមិនភ្លាត់ឡើយដោយកីឡាករវ័យ 29ឆ្នាំរូបនេះ។ ចប់ការប្រកួត Bayern Munich យកឈ្នះ Hamburg 6-0 បន្តកាន់កាប់កំពូលតារាងដាច់ក្រុមលេខ2 Schalke 20ពិន្ទុ។ ចំណែកឯ Hamburg បន្តស្ថិតក្នុងតំបន់គ្រោះថ្នាក់លេខ17 មានទើបតែ 18ពិន្ទុ។ Bayern Munich មកដល់ពេលនេះមិនដែលចាញ់ឡើយរាប់ពីខែវិច្ឆិកាឆ្នាំមុន ឈ្នះ 16 ក្នុងចំណោម 17ប្រកួតចុងក្រោយ៕
ប្រភពពី: Bayon
ខ្សែប្រយុទ្ធប៉ូឡូញ Robert Lewandowski ធ្វើបាន Hat-Trick និងជាគ្រាប់ទី100 នៅពេល Bayern Munich យកឈ្នះ Hamburg 6-0
អត្ថបទទាក់ទង