ក្រុមបាល់ទាត់ជម្រើសជាតិហូឡង់បានផ្ដួលព័រទុយហ្គាល់រហូត ៣ទល់នឹង០ នៅក្រៅទឹកដីក្នុងការប្រកួតមិត្តភាពអន្តរជាតិកាលពីយប់មិញ។
អតីតកីឡាករ Premier League ២រូបមាន Memphis Depay ធ្លាប់លេងឲ្យ United និង Ryan Babel ធ្លាប់លេងឲ្យ Liverpool រកបានម្នាក់១គ្រាប់នៅនាទី ១១ និង៣២ ស្របពេលប្រធានក្រុមថ្មី Van Dijk សម្រេចទី១បាល់ដែរនៅនាទី៤៥+២។
នៅវគ្គទីពីរព័រទុយហ្គាល់មិនអាចវាយបកបានទេថែមទាំងបាត់បង់សមាជិកម្នាក់ទៀតនៅពេលដែល Cavaco Cancelo បានកាតក្រហមត្រូវបណ្ដេញចេញនាទី៦១។ ដោយឡែក Cristiano Ronaldo បានបញ្ចប់កំណត់ត្រាស៊ុតចូល៩ប្រកួតជាប់គ្នាត្រឹមប្រកួតនេះព្រោះមិនអាចរកគ្រាប់ឲ្យជម្រើសជាតិបាន។
ក្រុមព័រទុយហ្គាល់នៅពូល B ជាមួយ អេស្ប៉ាញ, ម៉ារ៉ុក, និងអ៊ីរ៉ង់ សម្រាប់ World Cup ឆ្នាំ២០១៨ ខណៈហូឡង់មិនបានជាប់ការជម្រុះនោះទេ៕