Real Madrid នឹងត្រូវហោះទៅលេងជាមួយ Las Palmas នៅថ្ងៃសៅរ៍នេះ ក្នុងពាន La Liga ដោយគ្មានវត្តមាន Cristiano Ronald ព្រោះត្រូវសម្រាកទុកជើងលេងជាមួយ Juventus នៅសប្ដាហ៍ក្រោយ។
ក្រៅពី Ronaldo កីឡាករសំខាន់ៗមួយចំនួនធំទៀតដែលទើបត្រលប់ពីជួយជម្រើសជាតិក្នុងការប្រកួតមិត្តភាពកន្លងទៅដូចជា Marcelo និង Keylor Navas ជាដើមក៏ត្រូវសម្រាកដូចគ្នា។ ដូច្នេះ Zinedine Zidane នឹងទុកឱកាសឲ្យកីឡាករក្មេងៗនិងអ្នកមិនបានទៅជម្រើសជាតិឲ្យលេងជាមួយ Las Palmas ត្បិតពានLa Liga ក៏ដាច់ឆ្ងាយទៅហើយដែរ។
វត្តមាននេះក៏អាចធ្វើឲ្យខាតបង់ Ronaldo បន្តិចដែរ ព្រោះពេលនេះគេកំពុងជាអ្នកទាត់បញ្ចូលទីច្រើនជាងគេលេខ២ ចាញ់ Lionel Messi តែ៣គ្រាប់ទេ។ យ៉ាងណា ក្រោយត្រលប់ពីជម្រើសជាតិ Ronaldo បានហ្វឹកហាត់ជាធម្មតា ដើម្បីត្រៀមជួយក្រុមប៉ះ Juventus នៅថ្ងៃអង្គារសប្ដាហ៍ក្រោយ UCL វគ្គ៨ក្រុមចុងក្រោយ៕
Via: Sabay
ក្របខ័ណ្ឌ La Liga: តារាឆ្នើម Ronaldo ត្រូវអវត្តមានប្រកួតចុងសប្ដាហ៍នេះ
អត្ថបទទាក់ទង