ការប្រកួតនៅក្របខណ្ឌ Premier League សប្តាហ៏ទី៣១រវាងម្ចាស់ផ្ទះ Chelsea បានបើកទ្វារកីឡាដ្ឋាន Stamford bridge ទទួលស្វាគមន៏ក្រុមភ្ញៀវមាន់ខ្នាយមាស Tottenham Hot Spur ដែលជាក្លឹបរួមទីក្រុងឡុងដ៏កាលពីយប់ថ្ងៃអាទិត្យទី១ មេសា ២០១៨។
ខ្សែប្រយុទ្ធ Alvaro Morata រកបានគ្រាប់បាល់បើកឆាកដំបូងដោយការតែតបញ្ចូលទី បន្ទាប់ពីការបញ្ជូនបាល់របស់មិត្តរួមក្រុមខ្សែបម្រើ Victor Moses នៅនាទីទី៣០ ប៉ុន្តែខ្សែបម្រើកំពុងឡើងកូដ Cristian Eriksen បានធ្វើការវាយបកតាមយកស្មើវិញនៅនាទីទី (៤០+១) មុននិងបញ្ចប់តង់ទី១។
ចូលមកដល់តង់ទី២ខ្សែបម្រើឆ្នើមអង់គ្លេសវ័យក្មេង Dele Alli បន្ថែមគ្រាប់បាល់មួយគាត់ទៀត អោយក្រុមភ្ញៀវនាំមុខ២:១ នៅនាទីទី៦២ ក្រោយការទទួលបាល់ពីខ្សែបម្រើ Eric Dier និង Alli ដដែលបានបន្តបន្ថែមគ្រាប់បាល់ទី២របស់ខ្លួននៅនាទីទី៦៦ បន្តទៀតមុនបញ្ចប់តង់ទី២។ បញ្ចប់ការប្រកួត ក្រុមទាំងពីរទទួលលទ្ធផលTottenham ៣:១ Chelsea និងជាការបើកទំព៍័រប្រវត្តិសាស្រ្តថ្មីស្របពេលក្រុម Tottenham មិនដែលឈ្នះ Chelsea នៅកីឡាដ្ឋាន Stamford Bridge រយៈពេល ២៨ឆ្នាំ។
វាជាការឆ្លើយតបដ៏ល្អសម្រាប់ការបង្ហាញទម្រង់លេងរបស់ខ្សែបម្រើ Dele Alli ក្រោយជួបភាព ខកចិត្តសម្រាសប់ការប្រកួតអោយក្រុមជម្រើសជាតិកំលុងជំនួបមិត្តភាពកំដៅសាច់ដុំ កាលពីសប្តាហ៏មុន សម្រាប់ការប្តូរចូលនៅនាទីទី២២ ក្នុងជំនួបផ្តួលហូឡង់ ១:0 Alli មិនបានបង្ហាញទម្រង់លេងគួរកត់សម្គាល់នោះទេ និង ការប្រកួតជាមួយ Italy កីឡាករូបនេះបានអង្គុយនៅលើកៅអីបម្រុងប៉ុណ្ណោះ។
បច្ចុប្បន្នក្រុម Tottenham នៅបន្តរក្សាចំណាត់ថ្នាក់ទី៤ខណៈ Chelsea មានចំណាត់ថ្នាក់ទី៥។