ក្រុមម្ចាស់ផ្ទះកាំភ្លើងធំ Arsenal បានបើកទ្វារកីឡាដ្ឋាន Emirate Stadium ទទួលស្វាគមន៏ ក្រុមបាតតារាងកំពុងតែដុនដាបគឺ Stoke City កាលពីយប់ថ្ងៃអាទិត្យ។ការប្រកួតនៅតង់ទី១ក្រុមទាំងពីរមិនមានការស៊ុតបញ្ជូលទីគ្នារៀងៗខ្លួនខណៈដែលម្ចាស់ផ្ទះ មានឪកាសរកគ្រាប់បាល់បញ្ជូលទីនៅនាទីទី៤៥ប៉ុន្តែខ្សែបម្រើ Aaron Ramsey ធ្វើមិនបាន សម្រេច។
ចូលមកដល់តង់ទី២ខ្សែប្រយុទ្ធសញ្ជាតិហ្គាបុង Pierre-Emerick Aubameyang ទាត់បាល់ពិន័យ១១ម៉េត្របំបែកពងមាន់នាំមុខក្រុមភ្ញៀវនៅនាទីទី៧៥ និង បន្តរកបាន១គ្រាប់ទៀត នៅនាទីទី៨៦ មុនពេលខ្សែប្រយុទ្ធបារាំងទើបនិងជាពីរបួស កីឡាករ Lacazette ទទួលបាល់ពិន័យ១១ម៉ែត្រ១គ្រាប់ទៀត ហើយធ្វើបានសម្រេចនៅនាទីទី៨៩មុន បញ្ជប់ការប្រកួតតង់ទី២។ បញ្ចប់ការប្រកួត ម្ចាស់ផ្ទះ Arsenal ផ្តួល Stoke City ក្នុងលទ្ធផល៣:0។
ក្រុមរបស់លោក Arsene Wenger និងត្រូវទទួលភ្ញៀវ CSKA Mowcow នៅក្របខណ្ឌ Europa League នាពាក់កណ្តាលសប្តាហ៏ក្រោយ ស្របពេលបច្ចុប្បន្នក្រុមមានចំណាត់ថ្នាក់លេខ៦នៅក្របខណ្ឌ Premier League ដោយមានគម្លាតរហូតដល់ទៅ១៣ពិន្ទុពីក្រុមលេខ៤ Spur៕
ក្លឹបកាំភ្លើងធំ Arsenal លត់ Stoke City ៣:០ ដើម្បីបង្កើនទំនុកចិត្តមុនជួប CSKA Moscow នៅ Europa League
អត្ថបទទាក់ទង
