ការប្រកួតផ្តាច់ព្រ័ត្រពានរង្វាន់ French League Cup រវាងក្រុម PSG និង Monaco លទ្ធផលគឺក្រុម កំពុងនាំមុខតារាង Ligue១ បានផ្តួលក្រុម Monaco ក្នុងលទ្ធផល៣:0 ដើម្បីលើកពានលំដាប់ ទី២ នៅ បារាំងគឺFrance League Cup ។
កីឡាករ Edinson Cavani ប្រើពេលវេលាត្រឹមតែ៨នាទីប៉ុណ្ណោះ រក បានគ្រាប់បាល់នាំមុខដោយការទាត់បាល់ពិន័យ១១ម៉ែត្របន្ទាប់ពីកីឡាករក្រុម Monacoបង្កកំហុសលើខ្សែប្រយុទ្ធវ័យក្មេង Mbappe មិនបានប៉ុន្មាននាទីផងមិត្តរួមក្រុមខ្សែបម្រើស្លាបអាហ្សង់ទីន Angel Di Maria រកបានគ្រាប់បាល់ទី២ នៅនាទីទី២១ មុនបញ្ចប់តង់ទី១។
ការប្រកួតចូលដល់តង់ទី២កាត់តែស្វិតស្វាញរវាងក្រុមទាំងពីរប៉ុន្តែ Monaco នៅតែមិនអាច វាយបកបំបែកពងមាន់បាន ទីបំផុតខ្សែប្រយុទ្ធអ៊ុយរូហ្គាយ Edinson Cavani របស់ក្រុម PSG ដដែល បានបន្ថែមគ្រាប់បាល់ទី៣នៅនាទីទី៨៥ ដើម្បីក្តោបក្តាប់ជ៍យជំនះលើក្រុមជើងឯក Ligue1 Monaco តែម្តង។
PSG បានលើកពាន France League Cup នេះជាលើកទី៥ជាប់គ្នានៅប៉ុន្មានឆ្នាំចុងក្រោយនេះ ខណៈក្រុមរបស់លោក Unai Emery បច្ចុប្បន្នមានគម្លាត ១៧ពិន្ទុពីក្រុមលេខ២Monaco ។ខណៈក្រុម PSG នៅសល់ពាន Ligue១ ដែលកំពុងមានឪកាសច្រើនក្នុងការឈ្នះ និង ពាន French Cup មួយទៀតស្របពេលការប្រកួតជើងទី១ នៅវគ្គវគ្គពាក់កណ្តាលផ្តាច់ព្រ័ត្របានត្រឹមស្មើ១:១ ជាមួយក្រុមCaen។
