កីឡាករខ្សែប្រយុទ្ធ Pierre-Emerick Aubameyang បានបង្ហាញពីទម្រង់លេងល្អបំផុតជាមួយការស៊ុតបញ្ចូលទីបានរហូតដល់២គ្រាប់ក្នុងជំនួបទីលាននៅពេលក្រុម Arsenal ទទួលជ័យជម្នះ ៣-0 លើក្រុម Stoke City សម្រាប់ការប្រកួតនៅក្របខណ្ឌ Premier League កាលពីយប់ថ្ងៃអាទិត្យ ទី១ មេសា ២០១៨ ។
៣គ្រាប់របស់ Arsenal រកបានដោយខ្សែប្រយុទ្ធសញ្ជាតិហ្គាបុង Aubameyang រកបាននៅនាទីទី៧៥ ដោយការស៊ុតបាល់ពិន័យ១១ម៉ែត្រ និង រកបានគ្រាប់បាល់ទី២នៅនាទីទី ៨៦។Arsenalក្រុមយក្សដែលមានមូលដ្ឋាននៅភាគខាងជើងទីក្រុងឡុងដ៍ត្រូវបានផ្តល់ការពិន័យបន្ថែមទៀតក្រោយពីកីឡាករ Badou Ndiayer របស់ក្រុម StokeCity បានបង្កកំហុស ហើយខ្សែប្រយុទ្ធបារាំងទើបជាពីរបួស Alexandre Lacazette ជាអ្នក ទទួល រាប់ រង ទាត់បាល់ពិន័យ១១ម៉ែត្រនោះជំនួសវិញ ក្រោយពីមានការអនុញ្ញាតិពីមិត្តរួមក្រុម Aubameyang ។
នៅពេលអ្នកសារពត៌មានបានសួរអំពីការសម្រេចចិត្តនេះ Aubameyang បានពន្យល់ថា “ពិតណាស់ខ្ញុំដឹងថា Lacazette បានវិលត្រលប់មកវិញហើយខ្ញុំស៊ុតបាន២គ្រាប់ទៅហើយដែរ ដូច្នេះខ្ញុំក៏អនុញ្ញាតឱ្យគាត់ស៊ុតវាជារឿងធម្មតាដើម្បីបង្កើនទំនុកចិត្ត និង ការជឿជាក់ដល់រូបគាត់ផងដែរ។
គ្រូបង្វឹក Arsenal លោក Arsene Wenger បានបញ្ជាក់ប្រាប់ទូរទស្សន៍ Sky Sports ថាៈ ស្ថានភាពចូលលេងរបស់អ្នកចាំទី Petr Cech សម្រាប់ការប្រកួតវគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Europa League បន្ទាប់ពីបានរងរបួសមុនពេលដែលក្រុមកាំភ្លើងធំ Arsenal ផ្តួលStoke City។ បន្ទាប់ពីគាត់បានភ្ញាក់ពីដំណេកឡើងកាលពីម្សិលមិញជាមួយនឹងការឈឺចាប់ក្រលៀន។ ខ្ញុំនៅមិនទាន់សង្ឃឹមថាគាត់អាចចូលលេងសម្រាប់ការប្រកួតដ៏សំខាន់នៅថ្ងៃព្រហស្បតិ៍ខាងមុខនេះទេ។
ខ្សែប្រយុទ្ធ Aubameyang ប្រាប់មូលហេតុផ្តល់បាល់ពិន័យ១១ម៉ែត្រ អោយ Lacazette ទាត់ ក្នុងជំនួបជាមួយ Stoke City
អត្ថបទទាក់ទង