បាល់ទាត់៖ អតីតខ្សែប្រយុទ្ធតោខៀវ Chelsea, Jimmy Floyd Hasselbaink ត្រូវបានបណ្ដេញចេញពីតំណែងក្លឹបបាល់ទាត់ Northampton Town ដែលស្ថិតនៅលីហ្គលំដាប់ទី3 អង់គ្លេសហើយ ក្រោយ 9ប្រកួតចុងក្រោយរកជ័យជំនះមិនឃើញ។
អតីតខ្សែប្រយុទ្ធជំរើសជាតិហូឡង់រូបនេះ បានចូលមកកាន់តំណែងកាលពីខែកញ្ញាកន្លងទៅ ជាមួយនឹងកិច្ចសន្យាបីឆ្នាំជំនួសលោក Justin Edinburgh។ ជ័យជំនះបីប្រកួតជាប់គ្នាកាលពីខែមករាធ្វើអោយ Northampton ឡើងមកដល់លេខ18 ក្នុងចំណោម 24ក្រុម តែនៅពេលនេះពួកគេធ្លាក់មកដល់លេខ22 ដេញពីក្រោយតំបន់សុវត្ថិភាព 2ពិន្ទុនៅសល់ 5ប្រកួតទៀតចប់រដូវកាល បន្ទាប់ពី 9ប្រកួតចុងក្រោយមិនឈ្នះ។
បរាជ័យចុងក្រោយបំផុតគឺចាញ់នៅផ្ទះ Peterborough យប់មិញ 2-0។ ការចាកចេញរបស់ Jimmy Floyd Hasselbaink កើតឡើង 4ថ្ងៃប៉ុណ្ណោះបន្ទាប់ពីប្រធានក្លឹប Northampton ជនជាតិចិនលក់ភាគហ៊ុន 60%៕
គ្រូបង្វឹក Jimmy Floyd Hasselbaink អតីតខ្សែប្រយុទ្ធ Chelsea ដឹកនាំ 9ប្រកួតមិនឈ្នះត្រូវបានបណ្ដេញចេញពី Northampton Town
អត្ថបទទាក់ទង