ក្រុងមេនឆេស្ទ័រ: លោក Jose Mourinho អ្នកចាត់ការទូទៅរបស់ Manchester United បានជំរុញឲ្យក្រុមរបស់លោកប្រជែងដណ្តើមពានក្របខ័ណ្ឌ Premier League ជាមួយនឹង Manchester City នៅរដូវកាលក្រោយ ក្រោយពីបានកម្ទេចកម្មវិធីជប់លៀងនៃការឈ្នះពានរបស់ក្រុមកំពុងនាំមុខលើតារាងមួយនេះ តាមរយៈការវាយដេញតាមពីក្រោយ ២-០ ដើម្បីយកឈ្នះក្នុងការប្រកួតរវាងក្រុមស្ថិតក្នុងតែ ១ ក្នុងលទ្ធផល ៣-២ កាលពីថ្ងៃសៅរ៍។
ការដណ្តើមបានជ័យជម្នះនឹងធ្វើឲ្យក្រុម Man City ដែលនៅសល់នាំមុខ១៣ពិន្ទុដាច់លើក្រុម Man United នោះ ក្លាយជាម្ចាស់ជើងឯកជាលើកទី៥។
ប៉ុន្តែ នៅថ្ងៃប្រកួតមួយ ដែលលោក Pep Guardiola គ្រូបង្វឹករបស់ Man City បានអះអាងថា ត្រូវបានផ្តល់ឱកាសក្នុងការចុះហត្ថលេខាជាមួយនឹង Paul Pogba ដោយភ្នាក់ងាររបស់កីឡាកររូបនេះ Pogba បានជួយឲ្យក្រុម Man United បំពេញការវាយបកពីការដេញតាមពីក្រោយ តាមរយៈការស៊ុតបាល់បញ្ចូលទី២គ្រាប់ នៅមុនពេល Chris Smalling បំពេញការវាយបកដ៏មិននឹកស្មានដល់សម្រាប់ក្រុមខ្លួន។
លោក Mourinho បានឲ្យដឹងថា៖ «គោលបំណងរបស់ខ្ញុំនៅទីនេះ គឺការដណ្តើមបានពិន្ទុ និងមិនមែនបង្អាក់ការអបអរផ្សេងៗឡើយ។ ពិន្ទុនោះគឺថា តើយើងអាចនឹងមារនអភិវឌ្ឍគ្រប់គ្រាន់ក្នុងការដេញឲ្យទាន់ពួកគេនៅរដូវកាលក្រោយទេ?»៕
Via: Postkhmer
