Real Madrid នឹងមិនឈរជារបងកិត្តិយសទះដៃ (Guard of honour) ឲ្យ Barcelona នោះទេបើទោះជាក្រុមនេះឈ្នះជើងឯក La Liga មុនចប់រដូវកាលក៏ដោយ។ នេះបើតាមសម្ដីលោក Zinédine Zidane។
ក្រោយជ័យជម្នះលើ Leganes ៣ ទល់នឹង១កាលពីថ្ងៃសៅរ៍ក្រុម Barcelona ត្រូវការឈ្នះតែ៣ប្រកួត និងស្មើ១ទៀតប៉ុណ្ណោះដើម្បីលើកពានលីគកំពូលអេស្ប៉ាញ។ យ៉ាងណាបើសិនជា Barca ក្លាយជាជើងឯកមុនជំនួប El Clasicoប៉ះ Real នៅ Nou Champ ក៏ដោយក៏គ្មានការធ្វើរបងកិត្តិយសសម្រាប់ពួកគេដែរ។
ទោះធ្វើឬមិនធ្វើ តែ Real Madrid បានជួយ Barcelona ដោយប្រយោលរួចទៅហើយបន្ទាប់ពីពួកគេស្មើគ្នាជាមួយក្រុមលេខ២ Atletico Madrid ១-១ កាលពីយប់មិញ នាំឲ្យឱកាសលើកពានរបស់ក្រុមលោក Ernesto Valverde កាន់តែកៀកទៅៗ៕
Via :news.sabay