ជើងខ្លាំងមកពីខេត្តបន្ទាយមានជ័យ សុខ រិទ្ធិ ប្ដេជ្ញានឹងខំប្រឹងប្រែងហ្វឹកហាត់ ហើយប្រកួតឲ្យល្អដើម្បីបានកេរ្តិ៍ឈ្មោះល្បីដូចប្អូនប្រុស កាកា ដែលពេលបច្ចុប្បន្ននេះ ទៅណាមកណាក៏គេស្គាល់គ្រប់គ្នា។
សុខ រិទ្ធិ បានឲ្យដឹងថា នៅពេលឃើញប្អូនប្រុស កាកា ល្បីខ្លាំង ហើយទៅណា មកណាមានគេសុំថតជាមួយ និងសរសើរពីសមត្ថភាពថាខ្លាំង និងពូកែវ៉ៃម្ល៉េះដូចនេះ ខ្លួនមានចិត្តមួយរឹតតែខំប្រឹងប្រែងហ្វឹកហាត់។ ព្រោះសង្ឃឹមថាថ្ងៃណាមួយនឹងមានកេរ្តិ៍ឈ្មោះល្បីដូចប្អូន ទៅណាមានគេស្គាល់ច្រើន និងសុំថតដូចគ្នាអញ្ចឹងដែរ។
បងប្រុសរបស់ កាកា ខាងលើប្រាប់ទៀតថា មានតែការខំប្រឹងប្រែងហ្វឹកហាត់ទេ ទើបអាចធ្វើឲ្យខ្លួនប្រកួតបានល្អ ហើយល្បីឈ្មោះនោះ។
សុខ រិទ្ធិ ជាអ្នកប្រដាល់មកពីខេត្តបន្ទាយមានជ័យ និងជាបងប្រុសបង្កើតរបស់ជើងខ្លាំង កាកា ហើយបច្ចុប្បន្ននេះពុំសូវឡើងទៅប្រកួតនៅប្រទេសថៃឡើយ ព្រោះប្អូនរបស់គេជាប់វ៉ៃខ្សែក្រវាត់នៅសង្វៀនបាយ័ន។ ជាធម្មតាពួកគេទាំងពីរនាក់បងប្អូនតែងតែចេញចូលប្រទេសថៃនិងឡើងប្រកួតនៅទីនោះ៕
Via :news.sabay
