មិញនេះ អ្នកចាត់ការក្លឹប Manchester City លោក Pep Guardiola បានគូសបញ្ជាក់ថាខ្សែប្រយុទ្ធ Sergio Aguero នឹងមិនអាចត្រលប់ជួយ Manchester City វិញទេ រដូវកាលនេះ ដោយសារបញ្ហារបួសជង្គង់។
ក្នុងសន្និសីទសារព័ត៌មាន លោក Pep បាននិយាយថា៖ ” Aguero នឹងអវត្តមាន ៤ ទៅ ៥សប្ដាហ៍។ ឥឡូវគេកំពុងសម្រាកព្យាបាលរបួសនៅ Barcelona”។
ទោះជាយ៉ាងណា អ្នកចាត់ការអេស្ប៉ាញ បានគូសបញ្ជាក់ថា ខ្សែប្រយុទ្ធអាហ្សង់ទីននឹងខំគ្រប់យ៉ាង ក្នុងការព្យាបាលរបួសឲ្យជា ដើម្បីបានចូលលេង World Cup។
សូមបញ្ជាក់ផងដែរថា Aguero បានរងរបួសជង្គង់ ហើយអវត្តមានតាំងពីខែមីនាមក។ កាលពីថ្ងៃអង្គារកន្លងទៅ កីឡាករទើបធ្វើការវះកាត់របួសរបស់ខ្លួន។ ការណ៍ដូច្នេះធ្វើឲ្យមន្ទិលជាច្រើនលើកឡើងថា ខ្សែប្រយុទ្ធអាចនឹងមិនបានលេង World Cup លើកនេះ។
Aguero រកបាន ២១ គ្រាប់ក្នុងលីគកំពូលអង់គ្លេសរដូវកាលនេះ៕
Via :news.sabay
