Mohamed Salah បានឈ្នះពានកីឡាករឆ្នើមប្រចាំឆ្នាំនៅ Premier League ហៅកាត់ថា PFA សម្រាប់រដូវកាល ២០១៧-១៨។
ខ្សែប្រយុទ្ធវ័យ២៥ឆ្នាំបានយកឈ្នះតារាឆ្នើមជាច្រើននៅលីគកំពូលអង់គ្លេសដើម្បីលើកពានខាងលើមានដូចជា Kevin de Bruyne, Harry Kane, Leroy Sane, David Silva និង David de Gea។ ការផ្ដល់ពិន្ទុសម្រាប់ពាន PFA គឺបោះឆ្នោតដោយកីឡាករនៅតាមក្រុមទាំង២០នៅ Premier League។
កីឡាករសញ្ជាតិអេហ្ស៊ីបបាននិយាយថា៖ “ខ្ញុំមានកិត្តិយសដែលទទួលសំឡេងគាំទ្រពីកីឡាករទាំងអស់។ ខ្ញុំពិតជារីករាយ និងមានមោទនភាព។ កាលមកលេងជាមួយ Chelsea លើកមុនខ្ញុំគ្មានឱកាស ដូច្នេះទើបខ្ញុំមកអង់គ្លេសវិញដើម្បីបង្ហាញអ្នករាល់គ្នា”៕
Via :news.sabay