ខ្សែប្រយុទ្ធស្លាបឆ្វេង Leroy Sane បានទទួលពានរង្វាន់កីឡាករឆ្នើមប្រចាំឆ្នាំរបស់ PFA (Young Player of the Year Award) ជាមួយក្រុមមេឃខៀវ Manchester City។
ក្រុមរបស់លោក Pep Guardiola បានធ្វើឱ្យទស្សនិកជនអ្នកគាំទ្រមានសេចក្តីរំភើបរីករាយជាមួយនឹងការឈ្នះពាន ក្របខ័ណ្ឌកំពូលអង់គ្លេស Premier League បន្ថែមពីលើ ការឈ្នះពានរង្វាន់ Carabao Cup របស់ពួកគេជាមួយនឹងការប្រកួតនៅសល់ ៥ប្រកួតដែលនៅសល់។ Sane ក៏បានផ្តួលមិត្តរួមក្រុម Raheem Sterling និងអ្នកចាំទី Ederson ដើម្បីឈ្នះពានកិត្តិយសផ្ទាល់ខ្លួន(Individual Award)នេះផងដែរ។
Sane វ័យទើបតែ ២២ឆ្នាំបានផ្ទេរពីក្រុម Schalke នៅក្របខណ្ឌ Bundesliga អាឡឺម៉ង់ មក Man.City កាលពីរដូវកាល(២០១៦-២០១៧)ក្នុងតម្លៃ ៣៧លានផោន និងធ្លាប់ជាប់ជាបេក្ខភាពជម្រុះ(Shortlist) កីឡាករលេងល្អប្រចាំឆ្នាំវ័យក្មេង(Young Player of the year) នៅរដូវកាលមុនផងដែរ។ រដូវកាល(២០១៧-២០១៨) នេះ Sane រកបានគ្រាប់បាល់ ១៣គ្រាប់គ្រប់ក្របខណ្ឌប្រកួត បានផ្តួលកីឡាករពីររូបខ្សែប្រយុទ្ធ Harry Kane ដែលធ្លាប់ឈ្នះពាននេះកាលពីឆ្នាំ២០១៥ និង កីឡាករ Dele Alli ដែលធ្លាប់ឈ្នះពាននេះ ២ឆ្នាំជាប់គ្នា ២០១៦ និង២០១៧ ស្របពេលដែលកីឡាករ ២រូបផ្សេងទៀតផងដែរគឺ Marcus Rashford របស់ក្រុម Man.United និង Ryan Sessegnon ជាកីឡាករវ័យក្មេង របស់ក្រុម Fulham ក៏បានត្រឹមជាប់ឈ្មោះក្នុងបេក្ខភាពទាំង ៦រូបផងដែរ។
ខ្សែប្រយុទ្ធស្លាបឆ្វេង Leroy Sane ឈ្នះពានកីឡាករវ័យក្មេងលេងល្អប្រចាំឆ្នាំ PFA(វិដេអូ)
អត្ថបទទាក់ទង
