បាល់ទាត់៖ អ្នកចាំទីនៃក្រុមជម្រើសជាតិអាល្លឺម៉ង់ Manuel Neuer បានវិលមកទីលានស្មៅបៃតងខ្ចីវិញហើយ ក្រោយពីកាយសម្បទាសមស្របរបួសជើង ពោលគឺត្រៀមខ្លួនសម្រាប់ការប្រកួត World Cup ដែលនៅសល់មិនដល់ ១ខែទៀត នេះជាសំដីនៃការលើកឡើងរបស់គ្រូបង្វឹក ក្រុមជម្រើសជាតិអាល្លឺម៉ង់លោក Joachim Loew កាលពីថ្ងៃព្រហស្បតិ៍ម្សិលម៉ិញនេះ។
និយាយនៅក្នុងសន្និសីទសារព័ត៌មានគ្រូបង្វឹកវ័យ ៥៨ឆ្នាំរូបនេះបានប្រាប់ថា អ្នកចាំទីវ័យ ៣២ឆ្នាំរូបនេះជាប្រធានក្រុមអាល្លឺម៉ង់ ដែលជាផ្នែកមួយជួយក្រុមឈ្នះ World Cup 2014 នឹងធ្វើដំណើរជាមួយក្រុមទៅរុស្ស៊ី។
អ្នកចាំទី Bayern Munich រូបនេះមិនបានលេងឡើយ ចាប់តាំងពីបាក់ឆ្អឹងជើងកាលពីខែកញ្ញាឆ្នាំទៅ ដែលតម្រូវឲ្យធ្វើការវះកាត់នឹងព្យាយាមជាខ្លាំង ដើម្បីវិលមកទំរង់ដ៏ល្អបំផុតមួយ។ បេក្ខភាពម្ចាស់ការពារតំណែងជើងឯកអាល្លឺម៉ង់ នឹងជួបជាមួយក្រុមអត់បានលេង World Cup អ៊ីតាលីនៅថ្ងៃទី៥ ខែមិថុនាខាងមុខ មុនពេលត្រូវសម្រេចយកកីឡាករក្រុមជម្រើសជាតិចុងក្រោយ ២៣រូប ខណៈបច្ចុប្បន្នមានកីឡាករជម្រើសជាតិ ២៧រូបបាននឹងកំពុងធ្វើការហ្វឹកហាត់រួមនៅជំរំ។
ប៉ុន្តែអាល្លឺម៉ង់ក៏ត្រូវហោះទៅកាន់ទីក្រុង Klagenfurt ជួបអូទ្រីសផងដែរនៅថ្ងៃ២ មិថុនា មុនពេលជួបអ៊ីតាលី និង ៦ថ្ងៃបន្ទាប់ស្វាគមន៍ក្រុមអារ៉ាប់បីសាអូឌីតនៅ Leverkusen ហើយនៅរុស្ស៊ីអាល្លឺម៉ង់ស្ថិតក្នុងពូល F ដែលមានស៊ុយអែត, កូរ៉េខាងត្បូង និងមិកស៊ិកផងដែរ៕
អ្នកចាំទីអាល្លឺម៉ង់ក្លឹប Bayern Munich កីឡាករ Manuel Neuer ចាប់ផ្ដើមហ្វឹកហាត់ក្នុងជំរំជាមួយមិត្តរួមក្រុមជម្រើសជាតិ
អត្ថបទទាក់ទង