ខ្សែប្រយុទ្ធក្រុម Stoke City កីឡាករមានកំពស់ ២.០១ម៉ែត្រ Peter Crouch បានចុះហត្ថលេខាជាមួយនឹងក្រុម Burnley រហូតដល់ចុងបញ្ចប់នៃរដូវកាលនេះដែលជាផ្នែកមួយនៃកិច្ចព្រមព្រៀងដែលកីឡាករ Sam Voke របស់ក្រុម Bouremouth បានផ្លាស់ទៅកាន់ក្រុម Stoke City វិញដើម្បីជំនួសតំណែងរបស់ខ្លួន។ Crouch ដែលបានឈានចូលវ័យ ៣៨ឆ្នាំកាលពីថ្ងៃពុធបានបង្ហាញខ្លួន ៤៦២លើកសម្រាប់ក្លឹប៦ផ្សេងគ្នាដោយរកបាន ១០៨គ្រាប់។
Vokes វ័យ ២៩ឆ្នាំបានចូលរួមជាមួយក្លិប Stoke ក្នុងក្របខ័ណ្ឌ Championship សម្រាប់តម្លៃមិនត្រូវបង្ហើបអោយដឹងនៅលើកិច្ចព្រមព្រៀងរយៈពេល ៣ឆ្នាំកន្លះ។
អតីតកីឡាករក្រុមជម្រើសជាតិអង់គ្លេស Crouch បាននិយាយថា: ខ្ញុំមានអារម្មណ៍ថាអាយុកាន់តែចាស់តែ ខ្ញុំនៅទទួលការស្រេកឃ្លានរកគ្រាប់បាល់បញ្ជូលទី។ លោក Sean Dyche គ្រូបង្វឹករបស់ Clarets បាននិយាយថា: យើងដឹងថា Crouch គាត់ជាតួអង្គដ៏សំខាន់ម្នាក់ហើយគាត់នៅតែមានបំណងប្រាថ្នាចង់ជួយក្រុម។ រឿងសំខាន់សម្រាប់ខ្ញុំគឺការជំរុញលើកទឹកចិត្តអ្នករាល់គ្នាអោយខិតខំបន្តទៀត ក្រោយការមកដល់របស់គាត់។
ទន្ទឹមនឹងនេះដែរខ្សែការពារឆ្វេងសញ្ជាតិហូឡង់ Erik Pieters របស់ក្រុម Stoke ក៏បានផ្ទេរទៅចូលលេងក្នុងក្រុម Amiens នៅលីក១បារាំងក្នុងការខ្ចីជើងរហូតដល់ចុងរដូវកាល។ កីឡាករវ័យ ៣០ឆ្នាំរូបនេះដែលបានចូលរួមជាមួយក្រុម Stoke ក្នុងឆ្នាំ២០១៣ បានបង្ហាញខ្លួនចំនួន ២៣ប្រកួតឱ្យក្លឹបលំដាប់ទី២មួយនេះ។
អត្ថបទ៖ Cambosport
ប្រភព៖ bbc