លោក Jurgen Klopp អ្នកចាត់ការទូទៅរបស់ក្រុម Liverpool ចង់ឲ្យក្រុមរបស់លោកផ្តោតលើភាពវិជ្ជមានផ្សេងៗ នៃការរក្សាការនាំមុខលើតារាងក្របខ័ណ្ឌ Premier League ខណៈនៅសល់ការប្រកួតរយៈពេល១១លើកទៀត ជាងការសម្លឹងមើលលើការធ្លាក់ចុះទម្រង់លេងនាពេលថ្មីៗនេះ។
ការបញ្ចប់ត្រឹមលទ្ធផលស្មើ៣លើកជាប់ៗគ្នា ក្នុងចំណោមការប្រកួត៤លើកនៃក្របខ័ណ្ឌ Premier League បានធ្វើឲ្យក្រុមហង្សក្រហមមួយនេះ នាំមុខលើកំពូលតារាងលើក្រុម Manchester City ត្រឹមតែ១ពិន្ទុគត់។
ទោះបីជាយ៉ាងណា ក្រោយពីបានរង់ចាំអស់រយៈពេល២៩ឆ្នាំ ដើម្បីឈ្នះក្របខ័ណ្ឌលីក លោក Klopp កំពុងតែផ្តោតលើការសម្លឹងឆ្ពោះទៅមុខ ជាងការមើលថយក្រោយចំពោះការខកខានឱកាសផ្សេងៗក្នុងរយៈពេលប៉ុន្មានសប្តាហ៍ចុងក្រោយនេះ។
នៅមុនពេលធ្វើជាម្ចាស់ផ្ទះទទួលក្រុម Watford នាកីឡដ្ឋាន Anfield នៅរាត្រីនេះ គ្រូបង្វឹកសញ្ជាតិអាល្លឺម៉ង់រូបនេះបានឲ្យដឹងថា៖ «ជាធម្មតាក្នុងស្ថានភាពមួយដែលអ្នកអាចក្លាយជាម្ចាស់ជើងឯកជាលើកទី១ក្នុងជីវិតរបស់អ្នក និងសម្រាប់អ្នកគាំទ្ររបស់យើង វានឹងក្លាយជាឱកាសជាលើកទី១ក្នុងជីវិតរបស់ពួកគេ និងសម្រាប់កីឡាករជាច្រើនរបស់យើងផងដែរ ព្រោះវាជាឱកាសដ៏ពិតប្រាកដ»។ លោក Klopp បានបន្ថែមទៀតថា៖ «អ្នកត្រូវតែប្រើប្រាស់ឱកាសនោះពីមុខជើងរបស់យើង ដោយរាល់អ្វីៗទាំងអស់ អ្នកត្រូវតែធ្វើក្នុងកីឡាបាល់ទាត់»។
ឱកាសនៃការប្រជែងពានរបស់ក្រុម Liverpool ក៏ទទួលបានការជឿជាក់ខ្ពស់ផងដែរ ខណៈដែល Roberto Firmino គួរតែរឹងមាំគ្រប់គ្រាន់សម្រាប់ការប្រកួតនៅលើទឹកដីក្រុម Everton នៅចុងសប្តាហ៍នេះ៕
ប្រភពព័ត៌មាន៖ Channel News Asia