បរទេស៖ លោក Jurgen Klopp របស់ក្លិប Liverpool បានជាប់ជាអ្នកចាត់ការទូទៅឆ្នើមប្រចាំឆ្នាំរបស់ក្របខ័ណ្ឌ Premier League។ នេះបើយោងទៅតាមការប្រកាសរបស់សមាគមអ្នកចាត់ការទូទៅក្របខ័ណ្ឌ Premier League កាលពីថ្ងៃអង្គារ។
ក្រុមហង្សក្រហម បានឈ្នះទាំងពានរង្វាន់ League Cup និង FA Cup ក្រោយពីបានផ្តួលក្រុម Chelsea ដោយការស៊ុតបាល់ប៉េណាល់ទីទាំង២លើកនាកីឡដ្ឋាន Wembley។ ប៉ុន្តែ Liverpool បានរងបរាជ័យក្នុងការប្រជែងដណ្តើមពានក្របខ័ណ្ឌ Premier League ក្រោមស្នាដៃក្រុម Manchester City ដោយចាញ់តែ១ពិន្ទុប៉ុណ្ណោះ ក្រោយពីទាំងក្រុមរបស់លោក Klopp និងលោក Pep Guardiola បានឈ្នះការប្រកួតរបស់ពួកគេរៀងៗខ្លួន នៅថ្ងៃចុងក្រោយកាលពីថ្ងៃអាទិត្យ នៅរដូវកាលនេះ។
លោក Klopp ដែលទទួលពាន LMA Awards កាលពីល្ងាចថ្ងៃអង្គារនោះ បានឲ្យដឹងថា៖ «វាជាកិត្តិយសដ៏អស្ចារ្យមួយ ហើយនេះគឺជារដូវកាលដ៏រំភើបមួយ»។ លោកបានបន្ថែមទៀតថា៖ «ថ្ងៃប្រកួតចុងក្រោយ នៅពេលដែលការប្រកួតចំនួន២ មិនមានន័យអ្វីសោះ យើងទាំងអស់គ្នា ពិតជាលេងអស់ពីសមត្ថភាព។ នេះមិនមែនជាលទ្ធផលដ៏ល្អបំផុតសម្រាប់យើងឡើយ ប៉ុន្តែ យើងបំភ្លេចរឿងនោះចោលហើយ»៕
ប្រភពព័ត៌មាន៖ Channel News Asia