បរទេស៖ លោក Jurgen Klopp អ្នកចាត់ការទូទៅរបសក្រុម Liverpool ប្រាកដចិត្តថា Mohamed Salah និង Virgil van Dijk នឹងរឹងមាំទាន់ពេល ដើម្បីប្រកួតជាមួយនឹងក្រុម Real Madrid ក្នុងក្របខ័ណ្ឌ Champions League វគ្គផ្តាច់ព្រ័ត្រ បើទោះបីបានប្តូរចេញក្នុងពេលក្នុងប្រកួតជាមួយនឹងក្រុម Chelsea ក្នុងពាន FA Cup វគ្គផ្តាច់ព្រ័ត្រ កាលពីថ្ងៃសៅរ៍ ក៏ដោយ។
កីឡាករទាំង២ នឹងមិនត្រូវបញ្ចូលក្នុងក្រុមរបស់លោក Klopp សម្រាប់ការប្រកួតជាមួយនឹងក្រុម Southampton នៅរាត្រីនេះ ឡើយ ដែលនេះជាការបង្ការទុកមុន បើទោះបីក្រុមហង្សក្រហមនៅតែស្ថិតក្នុងការប្រជែងដណ្តើមពានក្របខ័ណ្ឌ Premier League ក៏ដោយ។ នៅពេលដែលត្រូវបានចោទសួរថា កីឡាករណាមួយក្នុងចំណោមកីឡាករទាំង២អាចនឹងលេងនៅកីឡដ្ឋាន St Mary’s បានឆ្លើយថា៖ «ទេ មិនមានទេ។
ពួកគេទាំង២នាក់ មិនមានបញ្ហាឡើយ ហេតុនេះ គោលដៅសម្រាប់កីឡាករទាំង២ គឺថា ពួកគេអាចនឹងលេងនៅចុងសប្តាហ៍នេះ។ ពិតណាស់ យើងមានភាពវិជ្ជមានសម្រាប់ការប្រកួតវគ្គផ្តាច់ព្រ័ត្រ ហើយយើងក៏មានភាពជាក់លាក់អំពីការប្រកួតជាមួយនឹងក្រុម Wolves នៅថ្ងៃអាទិត្យ ផងដែរ ប៉ុន្តែ នៅថ្ងៃស្អែកនេះ (ថ្ងៃអង្គារ) យើងមិនប្រាកដឡើយ»។ ក្រុមរបស់លោក Klopp បានទទួលនូវសក្តីសង្ឃឹមថ្មីថា ពួកគេនៅតែមានឱកាសឡើងឈរពីលើក្រុម Manchester City ដើម្បីឈ្នះពាន នៅពេលដែលក្រុមរបស់លោក Pep Guardiola បានបាត់បង់២ពិន្ទុ ក្នុងពេលបានបញ្ចប់ក្នុងលទ្ធផលស្មើ ២-២ ជាមួយនឹងក្រុម West Ham កាលពីថ្ងៃអាទិត្យ៕
ប្រភពព័ត៌មាន៖ Channel News Asia
