ភាពមិនប្រាកដប្រជាជុំវិញអនាគតរបស់ខ្សែការពារកណ្តាល Raphael Varane ជាមួយក្លិប Real Madrid បានធ្វើឱ្យក្រុមយក្សអេស្ប៉ាញចាប់ផ្តើមពិចារណាសម្លឹងមើលកីឡាករដ៏មានទេពកោសល្យដើម្បីយកមកជំនួសរូបគេ។ គ្រូបង្វឹក Zinidine Zidane ធ្លាប់ដឹកនាំក្រុមឈុតធំ Real Madrid ជាង ២ឆ្នាំហើយ មិនធ្លាប់ជួបភាពកំសោយនិងមានចន្លោះប្រហោងរបូតគ្រាប់បាល់បញ្ចូលទីច្រើននៅតំបន់ការពារនោះទេ។
យោងគេហទំព័រ ASមានកីឡាករលេចធ្លោ៤រូបដែលក្លឹបត្រៀមទាក់ទងដើម្បីចម្រាញ់យកម្នាក់មកជំនួសតំណែងរបស់កីឡាករអន្តរជាតិបារាំងវ័យ២៦ឆ្នាំរូបនេះ គឺមានដូចជាៈ
១. Matthijs de Ligt
កីឡាករក្រុម Ajax បានធ្វើអោយមានការចាប់អារម្មណ៍មិនត្រឹមតែ Real Madrid នោះទេ ប៉ុន្តែមានក្លឹបធំៗ ផ្សេងទៀតដូចជា Barcelona, Bayern Munich និង Juventus ក៏មានការប្រកួតប្រជែងចង់បានរូបគេផងដែរ ។
២. Mario Hermoso
ខ្សែការពារវ័យ ២៣ឆ្នាំរូបនេះធ្លាប់ ឆ្លងកាត់សាលាហ្វឹកហាត់នៅក្រុម Real Madrid មុនពេលត្រូវបានក្លឹប Espanyol នាំយករូបគេទៅរួមក្រុម។អ្វីដែលជាកត្តាសំខាន់និងអត្ថប្រយោជន៍ចម្បងរបស់គេគឺតម្លៃខ្លួនសម្រាប់ Hermoso មានប្រមាណតែ ៧,៥លានអឺរ៉ូប៉ុណ្ណោះ។
៣. Kalidou Koulibaly
យោងកាសែត Corriere dello Sport បានឱ្យដឹងថាកីឡាករ Kalidou Koulibaly បចុប្បន្នជាកីឡាករកំពុងលេងអោយក្លឹប Napoli នៅក្របខ័ណ្ឌ Serie A គឺជាខ្សែការពារមួយរូបទៀតដែល Real Madrid បានបង្ហាញការចាប់អារម្មណ៍ផងដែរ។
៤. Milan Skriniar
ខ្សែការពារឆ្នើមសញ្ជាតិស្លូវ៉ាគីវ័យ ២៤ឆ្នាំរូបនេះក៏ជាបេក្ខភាពកីឡាករកំពុងបង្ហាញទម្រង់លេងលេចធ្លោនៅលីកកំពូលអ៊ីតាលីផងដែរ។ សមត្ថភាពនិងបច្ចេកទេសការពាររបស់ Skriniar គឺជាកីឡាករដែលក្លឹបអធិរាជសមិនគួរមើលរំលងនោះទេ។
ប្រភព៖ Besocce
