កីឡាករខ្សែប្រយុទ្ធ និងជាប្រធានក្រុមជម្រើសជាតិអាហ្សង់ទិន Lionel Messi ហើយនឹងកីឡាករ Cristiano Ronaldo របស់ព័រទុយហ្គាល់អ្នកទាំង២ បានកំណត់គោលដៅដូចគ្នា ក្នុងការវិលចូលក្រុមជម្រើសជាតិវិញជាលើកដំបូង ក្រោយជួបរឿងជូរចត់នៅ World Cup រុស្ស៊ី ២០១៨។
តារាខ្សែប្រយុទ្ធក្លឹប Barcelona, Lionel Messi កំណត់ថ្ងៃសុក្រនេះ បង្ហាញខ្លួននាជំនួបមិត្តភាពឲ្យអាហ្សង់ទិន តតាំងនឹងវេណេហ្ស៊ុយអេឡានាទីក្រុងម៉ាទ្រីត ជាមួយគ្នានោះ Ronaldo ដែលកំពុងប្រកបអាជីពជាមួយក្លឹបសេះបង្កង់ Juventus ក៏នឹងបង្ហាញវត្តមានដែរឲ្យព័រទុយហ្គាល់ប្រកួតដំបូងនៅ Euro 2020 វគ្គជំរុះនៅផ្ទះខ្លួនឯងស្វាគមន៍ក្រុមអ៊ុយក្រែនក្នុងទីក្រុង Lisbon។ សម្រាប់តារាឆ្នើមដឹកនាំព័រទុយហ្គាល់ឈ្នះ Euro 2016, Ronaldo ហើយនឹង Lionel Messi សុទ្ធសឹងតែខកខាន ៦ប្រកួតឲ្យក្រុមជម្រើសជាតិដូចគ្នា ចាប់តាំងពីបញ្ចប់ World Cup កាលពីចុងឆ្នាំកន្លងទៅ។
ព័រទុយហ្គាល់បានឈានទៅកាន់វគ្គពាក់កណ្ដាលផ្ដាច់ព្រ័ត្រនៃពាន UEFA Nations League ដែលគ្មានវត្តមានរបស់ Ronaldo ខណៈដែលបុរសវ័យ ៣៤ឆ្នាំរូបនេះស៊ុតបាន ៨៥គ្រាប់ក្នុងការបង្ហាញខ្លួន ១៥៤ប្រកួត ។ រីឯកីឡាករកំពូលខ្សែប្រយុទ្ធក្នុងប្រវត្តិសាស្ត្រ Barcelona, Lionel Messi ស៊ុតបាន ៦៥គ្រាប់ឲ្យក្រុមជម្រើសជាតិនា ១២៨ប្រកួត នឹងវិលមកក្រុមជម្រើសជាតិប្រកួតដំបូងនៅក្នុងកីឡដ្ឋាន Wanda Metropolitano របស់ក្រុម Atletico Madrid ផងដែរ ខណៈដែលកីឡាករមួយចំនួនត្រូវអវត្តមានដូចជា Sergio Aguero របស់ Man City, Gonzalo Huguain របស់ Chelsea និង Mauro Icardi របស់ Inter Milan ដែរ៕
តារាឆ្នើម CR7 និង Lionel Messi បានណាត់បង្ហាញខ្លួនឲ្យក្រុមជម្រើសជាតិ
អត្ថបទទាក់ទង