ការទន្ទឹងរង់ចាំរបស់អ្នកគាំទ្រក្លិបបាល់ទាត់ Tottenham Hotspur បានបញ្ចប់ហើយ ដោយកីឡដ្ឋានថ្មីរបស់ក្លិបនេះ បានរៀបចំការប្រកួតសាកល្បង និងបើកឲ្យអ្នកគាំទ្រចូលរួមទស្សនា។ ៦៧៩ថ្ងៃបន្ទាប់ពីការប្រកួតចុងក្រោយនៃកីឡដ្ឋានចាស់ White Hart Lane និង ៦ខែបន្ទាប់ពន្យារពេលពីថ្ងៃដាក់សម្ពោធដែលគ្រោងធ្វើនៅខែកញ្ញាឆ្នាំមុន កីឡដ្ឋានថ្មីក៏បានរៀបចំឲ្យមានការប្រកួតសាកល្បងពីរប្រកួត។
កាលពីថ្ងៃអាទិត្យចុងសប្ដាហ៍កន្លងទៅក្រុមបាល់ទាត់ U18 Spurs បានយកឈ្នះ U18 Southampton 3-1 ដោយអ្នកគាំទ្រដែលមានសំណាង 28987នាក់ចូលរួមទស្សនា កីឡាករ J’Neil Bennett ស៊ុតបញ្ចូលទីគ្រាប់ដំបូងក្នុងកីឡដ្ឋានថ្មី។
ក្រុមវ័យចាស់ Spurs នឹងជួបជាមួយក្រុមវ័យចាស់ Inter Milan ក្នុងការប្រកួតសាកល្បងទីពីរនៅថ្ងៃសៅរ៍ចុងសប្ដាហ៍នេះ មុនពេល Tottenham Hotspur ទទួលភ្ញៀវ Crystal Palace ក្របខណ្ឌ English Premier League ថ្ងៃទី3 ខែក្រោយដែលនឹងជាការប្រកួតផ្លូវការលើកដំបូងក្នុងកីឡដ្ឋានថ្មី។ កីឡដ្ឋានថ្មីនៅទឹកដីចាស់ White Hart Land ត្រូវបានរចនាបថ និងពង្រីកដែលអាចផ្ទុកអ្នកទស្សនាបានរហូតដល់ 62062នាក់៕
ក្លិបបាល់ទាត់ Tottenham Hotspur ថ្មីមានតំលៃ ១ពាន់លានផោន
អត្ថបទទាក់ទង