អតីតខ្សែការពារ Joleon Lescott ជឿជាក់ថា Pep Guardiola នឹងបន្តនៅ Manchester City រហូតទាល់តែសម្រេចបំណងរបស់ក្លឹបគឺឈ្នះ Champions League លើកដំបូងក្នុងប្រវត្តិសាស្ត្រ។
ក្រុមរហស្សនាម ពណ៌ផ្ទៃមេឃត្បិតឡើងជើងខ្លាំងនាពេលបច្ចុប្បន្នប៉ុន្តែមិនដែលឈ្នះ Champions League ម្ដងណាឡើយក្នុងប្រវត្តិ ១៣៩ឆ្នាំរបស់ក្លឹប ក្នុងនោះបានត្រឹមឡើងវគ្គពាក់កណ្ដាលផ្ដាច់ព្រ័ត្រដែលជាកំណត់ត្រាល្អបំផុតកាលពីឆ្នាំ២០១៦។
កាលពីឆ្នាំទៅ City បានធ្លាក់ត្រឹមវគ្គ៨ក្រុម ក្រោមស្នាដៃរបស់ Liverpool ហើយឆ្នាំ២០១៩នេះ ពួកគេត្រូវប្រឈមមុខជាមួយ Tottenham Hotspur នៅ Champions League ដែលជាគូប្រជែងមកពីលីគដូចគ្នា។ យ៉ាងណា Lescott ជាអតីតខ្សែការពាររបស់ City ជឿជាក់ថា Pep មិនចាកចេញទេបើមិនឈ្នះ Champions League នៅ Etihad។
“ខ្ញុំមិនជឿថា Pep Guardiola រកទ្រនំថ្មីដាច់ខាត បើសិនគាត់មិនអាចយកពានទ្វីបអឺរ៉ុបមកឲ្យ Man City។ អ្នកអាចនិយាយថាវាគឺជាកិច្ចការដែលមិនទាន់រួចរាល់ ព្រោះ Pep បានធ្វើរឿងជាច្រើននៅ City ដើម្បីនាំក្លឹបនេះទៅកាន់ទីកំពូល ក្នុងរយៈពេលដ៏ខ្លី”។ អតីតកីឡាករជម្រើសជាតិអង់គ្លេសនិយាយ៕
Joleon Lescott ថា: Man City លុះត្រាឈ្នះ Champions League ទើប Pep Guardiola ចាកចេញ
អត្ថបទទាក់ទង