អ្នកចាត់ការទូទៅលោក Zinedine Zidane ត្រូវបានរាយការណ៍ថាក្លឹបស្តេចសរ Real Madrid បានទម្លាក់លុយយ៉ាងច្រើនក្នុងតំលៃ ៤២៥លានផោន ដើម្បីចំណាយទិញកីឡាករឆ្នើមសំខាន់ៗមករួបរួមជាមួយក្រុមក្នុងរដូវក្ដៅនេះ ដើម្បីបង្កើតរជ្ជកាលល្អឯកអោយល្អឡើងវិញ។
Real Madrid ទើបតែប្រកាសទិញបានខ្សែការពារ Eder Militao ពីក្លឹប Porto ក្នុងតម្លៃ៤៥លានផោន ខណៈកីឡាករមួយចំនួនមានគម្រោងចង់ចេញពីក្លឹបដូចជា Marcelo ត្រូវបានរាយការណ៍យល់ព្រមកិច្ចសន្យា៤ឆ្នាំជាមួយ Juventus។ Luka Modic មានការទាក់ទងពីក្លឹប Inter Milan ឯ Gareth Bale កំពុងមិនសប្បាយចិត្តនៅ Madrid។ ដូច្នេះហើយត្បិត Real ធ្លាប់បង្ហាញការចាប់អារម្មណ៍អ្នកចាំទីរបស់ Manchester United គឺ David De Gea ប៉ុន្តែ Thibaut Courtois ត្រូវបានគេជឿជាក់ថា នៅតែអាចរក្សាតំណែងរបស់ខ្លួន។
សម្រាប់រដូវកាលនេះផងដែរ Madrid ធ្លាក់ទម្រង់លេងមែនទែនគ្មានសល់ពានអ្វីសោះក្នុងដៃ ជ្រុះចេញពី Champions League វគ្គ១៦ក្រុមចុងក្រោយ ឯ La Liga នៅលេខ៣ទៀត។ បច្ចុប្បន្នក្លឹបមានមូលដ្ឋានក្នុងទីក្រុង Madrid ចង់នាំយកតារាង World Cup ទាំងពីរគឺ Paul Pogba និង Kylian Mbappe មកកាន់ Bernabeu ស្របពេល Eden Hazard ក៏ជាគោលដៅធំ។ រីឯកីឡាករដែល Real ចង់បាននោះគឺ:
1. អ្នកចាំទីរបស់ Manchester United គឺ David De Gea
2. ខ្សែការពារឆ្វេងរបស់ Benfica កីឡាករ Alex Grimaldo អាចនឹងចូលខ្លួនមកជំនួស Marcelo។
3. ខ្សែរបម្រើរ Casemiro គួរតែចាប់ដៃគូជាមួយ Pogba
4. ខ្សែរប្រយុទ្ធ Mbappe គួរចាប់ផ្ដើមចាប់ដៃគូជាមួយ Hazard និង Marco Asensio៕
Real Madrid ត្រៀមចំណាយលុយ ៤២៥លានផោន ដើម្បីទីញកីឡាករសំខាន់ៗមករួមក្រុម
អត្ថបទទាក់ទង