អតីតខ្សែប្រយុទ្របស់ក្រុម Aston Villa គឺកីឡាករ Gabriel Agbonlahor បានប្រកាសចូលនិវត្តន៍ពីកីឡាករបាល់ទាត់អាជីពហើយក្នុងវ័យ ៣២ឆ្នាំ។ អតីតខ្សែប្រយុទ្ធជម្រើសជាតិអង់គ្លេសរូបនេះ មិនមានក្លិបលេងឡើយចាប់តាំងពីចាកចេញពី Aston Villa ក្រោយចប់រដូវកាលមុន។
Agobonlahor បានប្រកាសចូលនិវត្តន៍បែបនេះនៅលើបណ្ដាញសង្គម Instagram និងបានអរគុណដល់អ្នកគាំទ្រទាំងអស់ និងមិត្តរួមក្រុមដែលធ្លាប់ប្រកបអាជីពជាមួយ។ Agbonlahor គឺជាកីឡាករដែលចេញពីពន្លកយុវជននៃក្លិបបាល់ទាត់ Aston Villa និងបានបង្ហាញខ្លួនឲ្យក្រុមធំមួយនេះបាន ៣៤១ប្រកួត ស៊ុតបញ្ចូលទីបាន ៧៥គ្រាប់ចាប់តាំងពីបង្ហាញខ្លួនដំបូងនៅ Premier League ឆ្នាំ២០០៦ ក្នុងវ័យ ១៩ ពេល Aston Villa ជួប Everton។
Gabriel Agbonlahor ដែលមានសញ្ជាតិអាចលេងបាល់ឲ្យនីហ្សេរីយ៉ា និងស្កុតឡេន តែគេបានជ្រើសរើសលេងឲ្យក្រុមជម្រើសជាតិអង់គ្លេស បង្ហាញខ្លួនបានតែ ៣ដងគត់ក្នុងឆ្នាំ២០០៩ នៅពេលអង់គ្លេសជួបអាល្លឺម៉ង់ អេស្ប៉ាញ និងបេឡារូស៕
អតីតខ្សែប្រយុទ្ធ Aston Villa កីឡាករ Gabriel Agbonlahor ប្រដាស់ចូលនិវត្តន៍ពីអាជីពបាល់ទាត់
អត្ថបទទាក់ទង