កីឡាករខ្សែបម្រើ Philippe Coutinho បានប្រាប់មិត្តរួមក្រុមថាខ្លួនកំពុងពិចារណាចាកចេញពីទឹកដី Camp Nou របស់ក្រុម FC Barcelona នៅរដូវក្ដៅខាងមុខនេះក្រោយមិនស្ថិតនៅក្នុងក្រសែភ្នែកគ្រូបង្វឹក និងចំណាយពេលភាគច្រើនអង្គុយបម្រុង។
ខ្សែបម្រើដែលមានសញ្ជាតិប្រេស៊ីល Coutinho បានជួបរឿងខ្មៅងងឹតក្នុងអាជីពក្រោយចាកចេញពី Liverpool មិនដល់១ឆ្នាំកន្លះផង ហើយពេលនេះកំពុងស្វែងរកក្លឹបថ្មីដើម្បីវិលទៅជម្រើស១១នាក់ដំបូងជាប់លាប់ដូចពីមុនវិញ។ Ernesto Valverde ពេញចិត្តការលេងរបស់ Dembele ជាង Coutinho ហើយលោកមិនហាមឃាត់នោះទេបើ Coutinho ចង់ចាកចេញ។
ចំណែកឯក្លឹបបីសាចក្រហម Manchester United គឺជាក្រុមមួយចាប់អារម្មណ៍ Coutinho ខ្លាំងជាងគេខណៈដែលតោខៀវ Chelsea ក៏កំពុងតាមមើលកីឡាករវ័យ២៦ឆ្នាំរូបនេះផងដែរ។ តារាឆ្នើមសញ្ជាតិប្រេស៊ីល រូបនេះបានចាកចេញពីហង្សក្រហម Liverpool កាលពីខែមករាឆ្នាំមុនក្នុងតម្លៃ១៤២លានផោន ទៅកាន់ Barcelona ដែលរូបគេហៅថាជា “ក្លឹបក្នុងក្ដីស្រមៃ” តាំងពីកុមារភាព៕
កីឡាករ Philippe Coutinho នឹងអាចចាកចេញពីក្លឹប Barcelona នារដូវក្តៅនេះ(វិដេអូ)
អត្ថបទទាក់ទង