(បាសេឡូណា)៖ គ្រូបង្វឹកក្លឹបអ្នកមានបុណ្ FC Barcelona លោក Ernesto Valverde បានបង្ហើបថា ខ្សែប្រយុទ្ធអាហ្សង់ទីនកីឡាករ Lionel Messi មានបញ្ហារឿងកាយសម្បទាតាំងពី ចុងខែ១២ មកម្ល៉េះ បើគិតជីត៤ខែហើយ។
បុរសវ័យ៥៥ឆ្នាំ សញ្ជាតិអេស្ប៉ាញ Valverde ដែលបានចូលដឹកនាំ Barcelona ចាប់តាំងពីខែឧសភា ឆ្នាំ២០១៧ ជំនួសកៅ អីគ្រូបង្វឹកចាស់ Luis Enrique និយាយថា៖ ” ពួកយើងគិតថាវាមិនអីទេ តែគាត់លៃលកដោះស្រាយរឿងរបួសនេះយូរហើយ។ យើងព្យាយាមធ្វើឲ្យការឈឺចាប់នេះមានការស្រាកស្រាន្តតាំងពីមុន Christmas ” ។ លោកបានបន្តថា៖ ” យើងធ្វើគ្រប់យ៉ាង ដោយយើងបាននិយាយជាមួយគេ បន្ទាប់ពីមានបញ្ហារបួសតិចតួចក្នុងការហ្វឹកហាត់ ” ។
ទោះជាយ៉ាងណាក៏ដោយ Messi នៅតែអាចរកបាន ៣៩គ្រាប់ ក្នុង ៣៦ប្រកួត គ្រប់កម្មវិធីរបស់ក្លឹបក្នុងរដូវកាល ២០១៨/១៩។ គិតមកទល់នឹងពេលនេះ Ernesto Valverde បានដឹកនាំ FC Barcelona ចំនួន ៩៦ប្រកួត ក្នុងនោះធ្លាប់ឈ្នះ៦៥ដង ស្មើ២២ដង និងចាញ់ ៩ដង ហើយក៏បានជួយក្លឹបយក្សអេស្ប៉ាញមួយនេះ ឈ្នះជើងឯកពាន La Liga និង Copa del Rey ក្នុងរដូវកាលដំបូងរបស់លោកក្នុងក្លឹបដែលស្ថិតនៅតំបន់ Catalan។ គិតត្រឹមពេលនេះដែរ Barcelona កំពុងតែឈរលើកំពូលតារាង La Liga ដោយមាន ៦៦ពិន្ទុ៕
លោក Ernesto Valverde ថា: តារាឆ្នើម Lionel Messi មានរបួសជីត ៤ខែមកហើយ
អត្ថបទទាក់ទង