លោក Maurizio Sarri ជឿជាក់ថាក្រុមតោខៀវ Chelsea នៅតែមានឱកាសប្រជែងដើម្បីក្លាយជាក្រុមកំពូលទាំង ៤ ដោយមិនចាំបាច់ត្រូវការឈ្នះរាល់ការប្រកួតទាំង៨ដែលនៅសល់ ដូចដែលគេអះអាងឡើយ។
គ្រូបង្វឹកសញ្ជាតិអ៊ីតាលី Maurizio សង្ឃឹមថា ក្រុម២ក្នុងចំណោមក្លឹប៤ដែលប្រជែងយកកៅអី២ដែលនៅសល់សម្រាប់តំណែង Top ៤ នៅ Premier League នៅមានភារកិច្ចលេង Champions League ដែលធ្វើឲ្យពួកគេអាចទុកជើងដើម្បីបំពេញកាតព្វកិច្ចលេងពានទ្វីបអឺរ៉ុប។ បច្ចុប្បន្ន Chelsea ឈរនៅលំដាប់ទី ៦ Tottenham និង Man Utd ឈរនៅលេខ៣ និង លេខ៤ មាន៤ពិន្ទុលើស Chelsea ដូចគ្នា។
ក្រុមរបស់លោក Jurgen Klopp បាននាំមុខ២ពិន្ទុដាច់លើក្រុម Manchester City នៅលើកំពូលតារាង ប៉ុន្តែ Man City នៅសល់១ប្រកួតក្នុងដៃ។ បច្ចុប្បន្ន ក្រុម Spurs កំពុងតែស្ថិតក្នុងគ្រោះថ្នាក់នៃការធ្លាក់ចេញពីចំណាត់ថ្នាក់កំពូលទាំង៤ ខណៈដែលពួកគេនៅតែមានពិន្ទុស្មើជាមួយនឹងក្រុម Manchester United ហើយអាចនឹងធ្លាក់ឈរពីក្រោមក្រុម Arsenal ប្រសិនបើក្រុមកាំភ្លើងធំមួយនេះ ដណ្តើមបានជ័យជម្នះលើក្រុម Newcastle នៅថ្ងៃចន្ទនេះ៕
Chelsea នៅតែមានឱកាសប្រជែង Top ៤ ទោះមិនឈ្នះរាល់ការប្រកួតដែលនៅសល់ក៏ដោយ
អត្ថបទទាក់ទង