ប្រធានក្លិប Lyon លោក Jean-Michel Aulas បាននិយាយថា លោកនឹងរង់ចាំរហូតដល់ចុងរដូវកាលនេះក្នុងការសម្រេចចិត្តពីអនាគតរបស់គ្រូបង្វឹកលោក Bruno Genesio បន្ទាប់ពីក្រុមនេះចាញ់ក្រុម Rennes ក្នុងទឹកដីខ្លួន ៣-២ ពីថ្ងៃអង្គារក្នុងវគ្គពាក់កណ្តាលផ្តាច់ព្រ័ត្រពាន French Cup។ លោក Aula បាននិយាយពាក់ព័ន្ធគ្រូបង្វឹកនេះថា៖ «យើងបានព្រមព្រៀងគ្នាថា ប្រសិនបើយើងឡើងដល់វគ្គផ្តាច់ព្រ័ត្រ និងប្រសិនបើយើងស្ថិតលើកំពូលតារាងទាំង ៣ យើងនឹងបន្តរយៈពេល ២ ឆ្នាំទៀត»។
ក្រុម Rennes បាននាំមុខចំនួន ២ លើកក្នុងការប្រកួតនៅកីឡដ្ឋាន Groupama តាមរយៈការបញ្ចូលទីរបស់កីឡាករ Mbaye Niang និង Benjamin Andre ប៉ុន្តែក្រុម Lyon បានវាយបកតាមស្មើវិញដោយកីឡាករ Bertrand Traore និងកីឡាករ Moussa Dembele។ ប៉ុន្តែនៅនាទីទី ៨១ ខ្សែការពារសញ្ជាតិអាល់ហ្សេរី Ramy Bensebaini បានស៊ុតបាល់បញ្ចូលទី ១ គ្រាប់ទៀតធ្វើឲ្យក្រុម Rennes ឈ្នះក្រុម Lyon ៣-២ ហើយឡើងទៅវគ្គផ្ដាច់ព្រ័ត្រដែលពួកគេអាចប៉ះជើងឯកពានរង្វាន់នេះគឺក្រុម Paris Saint Germain។
ពេលនេះក្រុម Lyon ស្ថិតនៅលេខ ៣ ក្របខណ្ឌបារាំង Ligue 1 ដោយតាមពីក្រោយក្រុម Lille ៤ ពិន្ទុ គឺអាចចូលលេងក្នុងវគ្គជម្រុះតាមពូលនៃChampions League លើកទី ២ ជាស្វ័យប្រវត្តិ។ មានការប្រកួតចំនួន ៨ ទៀតនៅក្នុងលីកនេះ ហើយខ្ញុំនឹងធ្វើអ្វីៗគ្រប់យ៉ាង ដើម្បីដឹកនាំក្រុមនេះឲ្យឈានទៅដល់វគ្គផ្ដាច់ព្រ័ត្រក្របខ័ណ្ឌ Champions League ចំណែកឯក្រុម Rennes នឹងជួបក្រុម PSG ឬក៏ក្រុម Nantes ក្នុងវគ្គផ្តាច់ព្រ័ត្រក្របខ័ណ្ឌ French Cup នៅកីឡដ្ឋាន Stad de France នៅថ្ងៃទី ២៧ ខែមេសាខាងមុខ៕
លោក Jean-Michel Aulas ថា: បន្ទាប់ពីក្លិប Lyon ធ្លាក់ពីពានបារាំង Bruno Genesio អាចនឹងចាកចេញ
អត្ថបទទាក់ទង