កាលពីពេលថ្មីៗនេះ អ្នកចាត់ការទូទៅក្លឹបមេឃខៀវ Manchester City លោក Pep Guardiola បាននិយាយថា ក្លឹបរបស់លោកមិនត្រូវបាត់បង់ពិន្ទុជាដាច់ខាត បើសិនចង់ការពារតំណែងជើងឯកលីគកំពូលអង់គ្លេសរបស់ខ្លួន(Premier League)។
លោកបានលើកឡើងថា៖ ” ពួកយើងមានអារម្មណ៍ថា បើសិនជាយើងភ្លាត់បាត់ពិន្ទុ នោះយើងមិនមែនជាជើងឯកទេ។ ខ្ញុំមិនដឹងថា លក្ខខ័ណ្ឌណាដែលយើងនឹងជួបពេលប៉ះនឹង Brighton (វគ្គពាក់កណ្ដាលផ្ដាច់ព្រ័ត្រ FA Cup) ទេ ប៉ុន្តែពេលលេងទល់នឹង Cardiff ពួកយើងគួរតែរកគ្រាប់បាល់ឲ្យច្រើនជាងនេះ។ នេះជាអ្វីដែលយើងសោកស្ដាយបន្តិចដែរ ” ។ គិតមកទល់ពេលនេះ ក្លឹប Manchester City ឈរលើកំពូលតារាង ដោយមាន ៨០ពិន្ទុ និងលើសក្លឹបហង្សក្រហម Liverpool ១ ពិន្ទុ។
សល់ ៦ប្រកួតចុងក្រោយនេះ ក្លឹប Manchester City នឹងត្រូវប៉ះ Crystal Palace (ក្រៅដី), Tottenham Hotspur (ក្នុងដី), Manchester United (ក្រៅដី), Burnley (ក្រៅដី), Leicester (ក្នុងដី) និងBrighton (ក្រៅដី)៕
លោក Pep Guardiola និយាយថា ក្លឹប Manchester City នឹងមិនឈ្នះពាន Premier League ទេបើសិនជាបាត់បង់ពិន្ទុ
អត្ថបទទាក់ទង