ក្រុមអ្នកមានចិន Shanghai SIPG រកបាន ១ពិន្ទុទាំងលំបាកពីទឹកដីអូស្ត្រាលី Sydney FC បន្ទាប់ពីខ្សែប្រយុទ្ធ Elkeson រកបានគ្រាប់ចុងក្រោយតាមស្មើ ៣-៣ ចុងម៉ោងទៅហើយ។
ក្រុមម្ចាស់ផ្ទះ Sydney នាំមុខមុនតាំងពីនាទីទី3 ដោយ Siem De Jong មុនពេលដែលកីឡាចិន Lu Wenjunតែតបញ្ចូលទីតាមស្មើនៅនាទីទី27។ វគ្គទីមួយដដែលម្ចាស់ផ្ទះក៏នាំមុខសារជាថ្មីដោយ Adam Le Fondre ដោយបាល់ពិន័យ 11ម៉ែត្រ តែក៏ត្រូវភ្ញៀវ Shanghai SIPG តាមស្មើទៀតនៅនាទីទី36 ដោយ Yu Hai។
ក្រុមអូស្ត្រាលី Sydney FC ស្ទើរតែរកបានជ័យជំនះដំបូងនៅ AFC Champions League រដូវកាលនេះទៅហើយ នៅពេល Alex Bosque រកគ្រាប់នាំមុខលើកទី3 នៅនាទីទី84 តែនាទីទី89 ទៅហើយ Elkeson គឺជាអ្នកស៊ុតតាមស្មើលើកទី3 ដែរឲ្យ Shanghai SIPG ស្មើ 3-3 នៅផ្ទះ Sydney FC។
មួយគូទៀតក្នុងពូល H នេះ Ulsan Hyundai យកឈ្នះ Kawasaki Frontale 1-0 ដែលធ្វើឲ្យ Ulsan បន្តឈរលេខ1 ក្នុងពូលមាន 7ពិន្ទុតាមពីក្រោយដោយ Shanghai SIPG មាន 4ពិន្ទុ ខណៈ Kawasaki លេខ3 មាន 3ពិន្ទុ និង Sydney FC ក្រោមគេមាន 2ពិន្ទុ។
ក្រឡេកមកទស្សនាពូល F វិញក្រុមម្ចាស់ផ្ទះចិន Guangzhou Evergrande បើកទ្វារផ្ទះទទួលស្វាគមន៍ក្រុមភ្ញៀវអូស្ត្រាលី Melbourne Victory។ ខ្សែប្រយុទ្ធប្រេស៊ីល Anderson Talisca ស៊ុតបើកការនាំមុខ 2គ្រាប់ម្នាក់ឯងត្រឹម 10នាទី ពោលគឺគ្រាប់ទី1 តែតបញ្ចូលទីពីបាល់កាត់របស់ Gao Lin និងគ្រាប់ស៊ុតបាល់កោងបញ្ចូលទី។ មិនទាន់អស់ទេក្នុងវគ្គទី1 ដដែល Guanzhou Evergrande ក៏រកបានគ្រាប់នាំមុខ 3-0 ដោយ Yang Liyu។
ឈានចូលវគ្គទីពីរ Melbourne Victory គ្មានអ្វីតបត ហើយថែមទាំងភ្លាត់ចូលទីខ្លួនឯង 1គ្រាប់ទៀតដោយ Leigh Broxham ធ្វើឲ្យចប់ការប្រកួត Guangzhou Evergrande យកឈ្នះ Melbourne Victory 4-0 ឡើងមកឈរលើគេក្នុងពូល F នេះ តែមាន 6ពិន្ទុស្មើគ្នាជាមួយ Daegu FC និង Sanfrecce Hiroshima ខណៈមានតែ Melbourne Victory ប៉ុណ្ណោះដែលគ្មានពិន្ទុរាប់៕
ខ្សែប្រយុទ្ធ Elkeson ជួយក្រុមអ្នកមានចិន Shanghai SIPG តាមស្មើ Sydney FC ៣ទល់៣ នៅចុងម៉ោង(វិដេអូ)
អត្ថបទទាក់ទង