Jan Oblak បានចុះហត្ថលេខាលើកិច្ចសន្យាថ្មីជាមួយ Atletico Madrid រហូតដល់រដូវក្តៅឆ្នាំ២០២៣ ស្របពេលកិច្ចសន្យាចាស់របស់អ្នកចាំទីដៃស្អិតរូបនេះ ត្រូវផុតកំណត់នៅក្នុងខែមិថុនាឆ្នាំ២០២១ ជាមួយនិងតម្លៃខ្លួនកើនរហូតដល់ ១២០លានអឺរ៉ូ សម្រាប់កិច្ចសន្យាថ្មីនេះ ក្រោយពី At.Madrid ទិញរូបគេក្នុងតម្លៃត្រឹមតែ ១៦លានយូរ៉ូប៉ុណ្ណោះ កាលពីឆ្នាំ២០១៤ ពីក្លឹប Benfica។
Obak អ្នកចាំទីស្លូវ៉ាគីបានបង្ហាញទម្រង់លេងល្អបំផុត និងសាងកេរ្ត៏ឈ្មោះ ដ៏ល្បីល្បាញម្នាក់ចាប់តាំងពីពេលនោះមក។ មានប្រវត្តិធ្វើបាន ១១៥ CleanSheet ក្នុង ២០៣ប្រកួតសម្រាប់ក្រុម Los Rojiblancos បានទទួលបានពានរង្វាន់ផ្តាល់ខ្លួន Zamora ចំនួន ៣លើក ហើយកំពុងស្ថិតនៅរដូវកាលទីបួនសម្រាប់ការឈ្នះនេះ។
Oblak បានចូលរួមបន្តកិច្ចសន្យាថ្មីនេះជាមួយមិត្តរួមក្រុមគឺខ្សែប្រយុទ្ធ Antoine Griezmann និង Diego Simeone ដែលបានបន្តកុងត្រាថ្មីផ្ញើរអនាគតរបស់ពួកគេនៅកីឡាដ្ឋាន Wanda Metropolitano កាលពីឆ្នាំមុន។ ក្រោយបន្តកិច្ច សន្យាថ្មី Oblak បាននិយាយថា: ខ្ញុំពិតជារីករាយណាស់ក្នុងការបន្តកិច្ចសន្យារបស់ខ្ញុំ។ វាជាពេលវេលាដ៏យូរហើយនៅទីបញ្ចប់យើងបានឈានដល់កិច្ចព្រមព្រៀងមួយ និង ជារដូវកាលទីប្រាំរបស់ខ្ញុំនៅទីនេះ។
Oblak កីឡាករវ័យ ២៦ឆ្នាំរូបនេះបានឈ្នះពានរង្វាន់ Europa League, UEFA Super Cup និង Supercopa de Espana ជាមួយក្រុមAt.Madrid បន្តថា: ខ្ញុំសូមថ្លែងអំណរគុណដល់គ្រប់គ្នាដែលបានជួយខ្ញុំឱ្យមកទីនេះ។ “ជាពិសេសភ្នាក់ងារផ្ទាល់ Miha Mlakar ដែលបាននៅជាមួយខ្ញុំសម្រាប់អាជីព ហើយបានធ្វើអ្វីៗគ្រប់យ៉ាងដែលអាចធ្វើទៅបាន ។ ខ្ញុំក៏សូមអរគុណដល់ក្រុមប្រឹក្សាភិបាលក្លឹបនិងគ្រួសារ ដែលតែងតែគាំទ្រខ្ញុំជារៀងរាល់ថ្ងៃ។
អ្នកចាំទី Jan Oblak បន្តកិច្ចសន្យាថ្មីជាមួយក្លឹប Atletico Madrid ដល់ឆ្នាំ២០២៣
អត្ថបទទាក់ទង