Marc-Andre Ter Stegen បានបង្ហាញប្រាប់ពីពាក្យសម្តីប៉ុន្មានឃ្លាដែលអ្នកចាំទីរបស់ក្លឹប Barcelona រូបនេះ បានប្រាប់សមភាគីគឺអ្នកចាំទី David De Gea របស់ក្រុមបិសាចក្រហម Man.United បន្ទាប់ពីប្រពឹត្តកំហុសឆ្គងរបស់ខ្លួន កំលុងការប្រកួតជាមួយក្រុមលោក Ernesto Valverde នៅវគ្គ ៨ក្រុមចុងក្រោយក្របខ័ណ្ឌ Champions League ក្នុងលទ្ធផលបរាជ័យ ៣-០ កាលពីថ្ងៃអង្គារ។

អតីតកីឡាករ At.Madrid សញ្ជាតិ អេស្បាញរូបនេះបានបង្កកំហុសមិនអាចជួយសង្គ្រោះបាល់បាន កាលពីយប់ថ្ងៃអង្គារនៅឯកីឡាដ្ឋាន Camp Nou ក្រោយពីមានការខិតខំប្រឹងប្រែងស៊ុតបញ្ចូលទីពីសំណាក់ប្រធានក្រុម Barcelona កីឡាករ Lionel Messi ជាមួយគ្រាប់បាល់បើកឆាក និងបន្តរកបានគ្រាប់បាល់ទី២ដោយការស៊ុតជើងស្តាំពីចំងាយមុនពេល Coutinho បន្ថែមគ្រាប់បាល់ទី៣។

យោង Daily StarTer បានដកស្រង់សម្តីអ្នកចាំទីអាឡឺម៉ង់ Stegen ប្រាប់ ថាៈ De Gea មិនសូវចូលចិត្តលេងសើចទេដូច្នេះ កំហុសបែបនេះពិតជាកើតមានឡើងនៅក្នុងពិភពបាល់ទាត់។ ពួកគេទាំងអស់សុទ្ធតែជាកីឡាករ ហើយវាក៏អាចកើតឡើងចំពោះរូបលោកផងដែរ។ Stegen បន្តថាៈ យើងបានដឹងពីសមត្ថភាពគូប្រកួតប្រជែងដ៏អស្ចារ្យយ៉ាងណាមិញយើងបានជម្រុះពួកគេ។ ការប្រកួតនេះធ្វើឱ្យខ្ញុំសាទរ ពីព្រោះជាដៃគូប្រកួតប្រជែងវិជ្ជាជីវៈ យើងមានឱកាសដើម្បីធ្វើអ្វីដែលសំខាន់សម្រាប់ក្លិបសម្រាប់អ្នកគាំទ្រនិងសម្រាប់យើង។