ខ្សែការពារ Jerome Baoteng បានបង្ហាញពីចេតនាចង់ចាកចេញពីក្លឹប Bayern Munich ក្រោយចប់រដូវកាលនេះ បន្ទាប់ពីចំណាយពេល ៨ឆ្នាំជាមួយក្លិបនៅ Bundesliga មួយនេះ។
កីឡាករវ័យ ៣០ឆ្នាំរូបនេះបានអោយដឹងថា ខ្លួនពិតជាចង់ចាកចេញពី Bayern Munich ក្រោយចប់រដូវកាលនេះ តែក្លិបមិនចង់អោយចេញ។ Jerome Boateng បានជួយ Bayern Munich ឈ្នះពាន Bundesliga ៦លើក, DFB Pokal ៣លើក និង UEFA Champions League ១លើក។ Boateng បានបន្ថែមថា គេចង់ចាកចេញពីក្លិបមួយនេះជាមួយជ័យជំនះ នឹងសង្ឃឹមថាជួយ Bayern Munich ឈ្នះពាន Bundesliga មួយទៀតរដូវកាលនេះ បូករួមទាំង DFB Pokal។
កីឡាករសញ្ជាតិអាល្លឺម៉ង់រូបនេះ គឺជាផ្នែកមួយនៃក្រុមជម្រើសជាតិអាល្លឺម៉ង់ ដែលឈ្នះជើងឯកពិភពលោក World Cup 2014 នៅប្រទេសប្រេស៊ីល តែថ្មីៗត្រូវបានគ្រូបង្វឹកអាល្លឺម៉ង់លោក Joachim Loew ថា នឹងមិនជ្រើសរើសរូបគេចូលក្រុមជម្រើសជាតិទៀតឡើយ។ Bayern Munich បច្ចុប្បន្នកំពុងនាំមុខគេនៅ Bundesliga និងកំពុងស្ថិតនៅវគ្គពាក់កណ្ដាលផ្ដាច់ព្រ័ត្រ DFB Pokal រឺ German Cup៕
ខ្សែការពារ Jerome Baoteng ចង់ចាកចេញពី Bayern Munich ក្រោយចប់រដូវកាលនេះ
អត្ថបទទាក់ទង