ការទទួលជ័យជម្នះ ២-១ លើក្រុម Fiorentina មានន័យថា Juventus ឈ្នះពាន ៨ សម័យកាលជាប់ៗគ្នា ហើយ Cristiano Ronaldo ជាកីឡាករទី១បានឈ្នះពាន Premier League, La Liga និង ចុងក្រោយនៅ លីគអ៊ីតាលី Serie A។ ហើយកីឡាករឆ្នើមវ័យ៣៤ឆ្នាំ រូបនេះបាននិយាយថា “១០០០%” (មួយពាន់ភាគរយ) ខ្លួននឹងបន្តស្នាក់នៅ Juventus នារដូវកាលក្រោយ។
តារាឆ្នើម CR7 ជាម្ចាស់ពាន Ballon d’Or ៥សម័យកាលក៏មិនភ្លេចរំលឹកពីមិត្តគូប្រជែងនៅអេស្ប៉ាញ Lionel Messi ដែលជាខ្សែរប្រយុទ្ធដ៏ឆ្នើមផងដែរនោះ ទំនងជានឹងចំណាយពេលពេញមួយអាជីពរបស់គេនៅជាមួយនឹងក្លឹប FC Barcelona។
ចំណែកឯ Ronaldo និយាយបន្ថែមទៀតថា “ខ្ញុំបានលេងនៅក្នុងប្រទេសអង់គ្លេស អេស្ប៉ាញ អ៊ីតាលី ព័រទុយហ្គាល់ និង សម្រាប់ក្រុមជម្រើសជាតិរបស់ខ្ញុំ ខណៈ Messi នៅតែក្នុងប្រទេសអេស្ប៉ាញ”។ Messi ប្រហែលជាត្រូវការខ្ញុំទៀត សម្រាប់ខ្ញុំជីវិតគឺជាការប្រកួតប្រជែង។ ហើយខ្ញុំចូលចិត្តវា ខ្ញុំចង់ធ្វើឱ្យមនុស្សសប្បាយរីករាយ” ។
រីឯកីឡាករវ័យចំណាស់លោក Zlatan Ibrahimovic បានស៊កសៀតដាក់អតីតកីឡាករ Real Madrid វិញថា “Ronaldo និយាយថាគាត់ចូលចិត្តប្រកួតប្រជែង ប៉ុន្តែគាត់សម្រេចចិត្តទៅលេងឲ្យក្លឹបដែលបិទភ្នែកក៏អាចឈ្នះពានក្របខ័ណ្ឌ Serie A”។ Juventus អាចលើកពានមុនចប់រដូវកាល និង មាន២០ពិន្ទុច្រើនជាងក្រុមលេខ២ និងជាពានលើកទី៣៥របស់ក្រុមសេះបង្កង់នៅក្របខ័ណ្ឌ Serie A៕
កីឡាករឆ្នើម Cristiano Ronaldo ជាកីឡាករទី១ ដែលឈ្នះលីគអង់គ្លេស អេស្ប៉ាញ នឹងអ៉ីតាលី
អត្ថបទទាក់ទង