កីឡាករ Donyell Malen នឹង Michal Sadilek ជួយក្រុមការពារតំណែងជើងឯកលីគកំពូលហូឡង់ PSV Eindhoven បានត្រលប់ឡើងទៅស្មើពិន្ទុជាមួយក្រុមកំពូលតារាង Ajax Amsterdam វិញក្រោយយកឈ្នះនៅផ្ទះ Willem II ៣-០ យប់ម៉ិញបង្គ្រប់សប្ដាហ៍ទី៣២។
ក្រុមភ្ញៀវ PSV រកបាន ២គ្រាប់ផ្ទួនក្នុងរយៈពេល ៥នាទីចន្លោះនាទីទី៣១ ដល់ ៣៦ ដោយ Donyell Malen មុនពេលដែល Michal Sadilek ស៊ុតបញ្ចូលទីដោយបាល់ហ្វ្រីឃីក។ ឈានចូលវគ្គទីពីរ PSV រកបាន 1គ្រាប់ទៀតដោយ Steven Bergwijn ដែលជាគ្រាប់ចុងក្រោយក្នុងការប្រកួត ខណៈ Willem II ស៊ុតមិនចំគោលដៅមួយជើងសោះ។
ចប់ការប្រកួត PSV ឈ្នះ ៣-០ ទទួលបាន 3ពិន្ទុដ៏មានសារសំខាន់ឡើងទៅស្មើពិន្ទុជាមួយ Ajax Amsterdam មាន ៨០ពិន្ទុដូចគ្នាតែ Ajax ចំណេញគ្រាប់បាល់ច្រើនជាង PSV ១០គ្រាប់ ខណៈនៅសល់ពីរប្រកួតទៀតចប់រដូវកាល។
PSV កំពុងសង្ឃឹមថា ពីរប្រកួតរបស់ Ajax ចុងក្រោយជួបជាមួយ Utrecht និង De Graafschap មិនជោគជ័យ ខណៈ Ajax កំពុងផ្ដោតខ្លាំងនៅវគ្គពាក់កណ្ដាលផ្ដាច់ព្រ័ត្រ UEFA Champions League ជួបជាមួយ Tottenham Hotspur។ ចំណែក PSV ក៏មិនងាយដែរ ដោយពីរប្រកួតចុងក្រោយត្រូវទៅផ្ទះ AZ Alkmaar និងទទួលភ្ញៀវ Heracles៕
លីគកំពូលហូឡង់: Donyell Malen នឹង Michal Sadilek ជួយ PSV Eindhoven យកឈ្នះ Willem II 3-0(វិដេអូ)
អត្ថបទទាក់ទង