លោក Ernesto Valverde គ្រូបង្វឹក FC Barcelona បាននិយាយថា ជ័យជំនះក្នុងទឹកដី Nou Camp នឹងអាចជាទុនធំក្នុងការឈានឡើងវគ្គផ្ដាច់ព្រ័ត្រនេះ ខណៈដែលត្រូវទទួលក្រុមហង្សក្រហម Liverpool នារាត្រីនេះវគ្គពាក់កណ្ដាលផ្ដាច់ព្រ័ត្ក្នុងព្រឹត្តិការណ៍នៃពានរង្វាន់ UEFA Champions League។
Valverde គិតថា Liverpool អាចនឹងបង្កការលំបាកឲ្យ Barca គ្រប់ពេល ជាពិសេសនៅពេលលេងនៅទឹកដីអង់គ្លេស ដូច្នេះបើចង់មានសង្ឃឹមខ្ពស់ទៅវគ្គផ្ដាច់ព្រ័ត្រ ត្រូវតែឈ្នះក្នុងទឹកដី Nou Camp។ ហង្សក្រហម មិនដែលចាញ់ឡើយក្នុងជំនួប ៤លើកចុងក្រោយនៅទឹកដីក្លឹប អ្នកមានបុណ្យ និងជាក្រុមអង់គ្លេសតែមួយគត់ធ្លាប់ឈ្នះនៅ Nou Camp ពីរប្រកួត។
អតីតគ្រូបង្វឹក Athletic Bilbao បានបន្ថែមទៀតថា Liverpool មិនមានក្រុមស៊ុតបញ្ចូលទីពួកគេបានឡើយ ៤ក្នុងចំណោម ៥ប្រកួតក្នុង League និង Cup ខណៈ ១០ប្រកួតចុងក្រោយ Liverpool ស៊ុតបញ្ចូលទីគូប្រកួត បានត្រឹមតែ២៩គ្រាប់ប៉ុណ្ណោះ។
តែ Barcelona បានដើរមកកាន់វគ្គនេះ ក្រោយពីគ្មានបារម្ភនៅក្នុងលីគក្រោយក្លាយជាជើងឯក La Liga ទៅហើយ ទោះមិនទាន់ចប់រដូវកាលក៏ដោយ។ Barcelona កំពុងស្ថិតក្នុងផ្លូវរកពាន3 ក្នុងមួយរដូវកាល ខណៈមាន La Liga មួយក្នុងដៃរួចហើយ និងត្រៀមប្រកួតវគ្គផ្ដាច់ព្រ័ត្រ Copa del Rey ទៀតជាមួយ Valencia នៅថ្ងៃទី25 ខែឧសភានេះ៕
គ្រូបង្វឹក Barcelona លោក Ernesto Valverde បាននិយាយថា បើចង់ឡើងវគ្គផ្ដាច់ព្រ័ត្រត្រូវឈ្នះក្នុងទឹកដី
អត្ថបទទាក់ទង