ក្រុមភ្ញៀវបីសាចក្រហម Manchester United ត្រូវបានបាត់បង់ឱកាសក្នុងការប្រជែងដណ្ដើមយកកៅអីក្រុមកំពូលទាំង៤ទៅហើយ បន្ទាប់ពីប្រកួតសប្ដាហ៍ទី៣៧ នៅក្នុងក្របខណ្ឌ័ Premier League ដោយលទ្ធផលស្មើគ្នាជាមួយនឹងក្រុមបាតតារាងម្ចាស់ផ្ទះ Huddersfield ១-១ កាលពីយប់មិញ។
Manchester United ជាអ្នករកបានគ្រាប់បាល់នាំមុខមុនដោយកីឡាករពាក់អាវលេខ៣៩ Scott McTominay នៅនាទីទី៨ ប៉ុន្តែនាទី៦០វគ្គទីពីរក្រុមម្ចាស់ផ្ទះ តាមស្មើបានវិញដោយ Isaac Mbenza ពាក់ស្លាកលេខ១៨។ ត្បិតតែបិសាចក្រហមមានសាច់បាល់បានច្រើនជាងមែប៉ុន្តែ ពួកគេមិនអាចធ្វើអ្វីបន្តលើ Huddersfield បានឡើង បញ្ចប់ការប្រកួត ១-១។
បន្ទាប់ពីបញ្ចប់ការប្រកួត ១ពិន្ទុសម្រាប់ក្រុម Man Utd មិនមែនជារឿងល្អទេ ព្រោះពួកគេបាត់បង់ឱកាសប្រជែង Top4 ជាមួយកាំភ្លើងធំ Arsenal លេខ៥និង Spurs លេខ៤ទៅហើយ សល់តែឱកាសទៅលេងជម្រុះនៅ Europa League រដូវកាលក្រោយ ដោយបច្ចុប្បន្នឈរលេខ៦។ ចំណែក Huddersfield ត្រូវលាទៅក្របខ័ណ្ឌ Championship៕
Manchester United អស់សង្ឃឹមក្រោយធ្វើមិនបានល្អជាមួយក្រុមបាតតារាង Huddersfield ១ស្មើរ (វិដេអូ)
អត្ថបទទាក់ទង