ក្រុមហង្សក្រហម Liverpool ដែលបង្កអោយមានការភ្ញាក់ផ្អើលយ៉ាងខ្លាំងបន្ទាប់ពីយកឈ្នះលើ Barcelona និងត្រូវជួបជាមួយ Tottenham Hotspur ត្រូវបានផ្តល់សិទ្ធិលក់សំបុត្រឲ្យអ្នកគាំទ្ររបស់ខ្លួនម្ខាង 16613សន្លឹកសំរាប់ការប្រកួតវគ្គផ្ដាច់ព្រ័ត្រ UEFA Champions League នៅទីក្រុង Madrid។
Liverpool ទើបតែបានបង្ហាញតំលៃសំបុត្រ សំរាប់លក់ដល់អ្នកគាំទ្ររបស់ខ្លួន ខណៈដែលតំលៃថោកបំផុតគឺ 60ផោនមាន 20% ខណៈតំលៃសំបុត្រផ្សេងទៀតមាន 154ផោន 54% តំលៃ 385 ផោនមាន 21% និង 513 ផោនមាន 5%។ ចំណែក Tottenham Hotspur គេមិនទាន់ឃើញមានប្រកាសតំលៃសំបុត្ររបស់ខ្លួននៅឡើយ។ UEFA បានលក់ចេញហើយសំបុត្រចំនួន 4000សន្លឹកទៅអ្នកគាំទ្រជុំវិញពិភពលោក សំរាប់ការប្រកួតដែលនៅកីឡដ្ឋាន Wanda Metropolitano របស់ Atletico Madrid ដែលផ្ទុកទស្សនិកជនបាន 68000នាក់។
សំបុត្រនៅសល់ពីការបែងចែកខាងលើ រួមមានផ្តល់គណៈកម្មការរៀបចំផ្តល់សំរាប់ UEFA សមាគមបាល់ទាត់ ប្រទេសផ្សេងៗ ដៃគូពាណិជ្ជកម្ម និងក្រុមហ៊ុនផ្សាយផ្ទាល់ជាដើម។ រំលឹកថា នេះជារដូវកាលទីពីរហើយដែលហង្សក្រហម Liverpool ឡើងវគ្គផ្ដាច់ព្រ័ត្រ បន្ទាប់ពីឆ្នាំមុននៅទីក្រុង Kiev ប្រទេសអ៊ុយក្រែនដែលចាញ់ Real Madrid 3-1 នោះ Liverpool លក់សំបុត្រមានតំលៃពី 61ផោនដល់ 394ផោន៕
ហង្សក្រហម Liverpool និង Spurs មានសំបុត្រម្ខាង ១៦៦១៣ សន្លឹកនៅវគ្គផ្ដាច់ព្រ័ត្រ Champions League
អត្ថបទទាក់ទង