លោក Vahid Halihodzic ដែលជាអតីតគ្រូបង្វឹកក្រុមជំរើសជាតិជប៉ុន ត្រូវបានតែងតាំងជាគ្រូបង្វឹកក្រុមជំរើសជាតិម៉ារ៉ុក កាលពីថ្ងៃព្រហស្បតិ៍ម្សិលមិញ នេះបើតាមការប្រកាសរបស់សហព័ន្ធបាល់ទាត់ម៉ារ៉ុក។
Halihodzic បានមកកាន់តំណែងនេះបន្តពីលោក Herve Renard ដែលចាកចេញទៅដឹកនាំក្រុមជំរើសជាតិ អារ៉ាប៊ីសាអ៊ូឌីត ក្រោយចប់ព្រឹត្តិការណ៍ជើងឯកទ្វីបអាហ្វ្រិក ដែលម៉ារ៉ុកធ្លាក់ត្រឹមវគ្គ ១៦ក្រុមចុងក្រោយ ក្រោមថ្វីជើងក្រុមជំរើសជាតិបេនីនដោយបាល់ ១១ ម៉ែត្រកាត់សេចក្ដី។ ម៉ារ៉ុកគឺជាក្រុមជំរើសជាតិទី៤ ហើយដែលបុរសសញ្ជាតិបូស្នៀដឹកនាំ បន្ទាប់ពីធ្លាប់ដឹកនាំក្រុមជំរើសជាតិកូឌីវ័រ, អាល់ហ្សេរី និងជប៉ុន។
ក្រៅពីនោះលោកក៏ធ្លាក់ដឹកនាំក្លិបអាជីពដែរមានដូចជា នៅលីគកំពូលបារាំងដឹកនាំ FC Nantes តែដឹកនាំបានតែមួយរដូវកាលក៏ចាកចេញ ក្រោយមានបញ្ហារឿងកិច្ចសន្យាជាមួយប្រធានក្លិប Waldemar Kita៕
អត្ថបទ៖នាង សុភាវុធ Credit: BTV
លោក Vahid Halihodzic ក្លាយជាគ្រូបង្វឹកក្រុមជំរើសជាតិម៉ារុក
អត្ថបទទាក់ទង
