ខ្សែការពារស្លាបខាងស្តាំរបស់តោខៀវ Chelsea កីឡាករសញ្ជាតិអ៊ីតាលី Davide Zapacosta ត្រូវបានក្លិបបញ្ចេញអោយ AS Roma ខ្ចីហើយក្នុងកិច្ចសន្យាខ្ចីពេញមួយរដូវកាល។ កីឡាករវ័យ ២៧ឆ្នាំជំរើសជាតិអ៊ីតាលីរូបនេះ បានមកដល់ទឹកដីអ៊ីតាលីនៅថ្ងៃអង្គារម្សិលមិញ។
Davide Zapacosta មកកាន់ទឹកដី Stamford Bridge របស់តោខៀវ Chelsea កាលពីឆ្នាំ២០១៧ ជាមួយកិច្ចសន្យា ៤ឆ្នាំផ្ទេរពីក្លិបអ៊ីតាលី Torino ក្នុងតំលៃ ២៣លានផោន។ តែក្រោយបង្ហាញខ្លួនបាន ២២ប្រកួតក្នុងរដូវកាលដំបូងជាមួយ Chelsea, Zapacosta លេងបានតែ ៤ប្រកួតប៉ុណ្ណោះរដូវកាលមុន ខណៈរដូវកាលថ្មីនេះក៏មិនដែលបង្ហាញខ្លួនទៀត។
Zapacosta ស្ថិតនៅក្រៅជំរើសរបស់គ្រូបង្វឹកថ្មី Chelsea, Frank Lampard ដែលជឿជាក់លើកីឡាករអេស្ប៉ាញ Cesar Azpilicueta ជាង។ Zapacosta ក៏បានក្លាយជាខ្សែការពារទី៣ ដែលចាកចេញពី Chelsea បន្ទាប់ពី David Luiz និង Gary Cahill៕
ខ្សែការពារស្លាបខាងស្តាំ Zapacosta ផ្ទេរមកកាន់ Roma ក្នុងកិច្ចសន្យាខ្ចីជើង
អត្ថបទទាក់ទង