បាល់ទាត់៖ ក្លិប FC Bayern Munich ធ្វើបានសម្រេចលទ្ធផល ៣ពិន្ទុសប្ដាហ៍ទី២ នៃក្របខណ្ឌលីគកំពូលអាល្លឺម៉ង់ Bundeliga ក្រោយបំបាក់ Schalke 04 ដោយលទ្ធផល ៣–០ ខណៈដែលខ្សែប្រយុទ្ធសញ្ជាតិប៉ូឡូញ Roberto Lewandoski ធ្វើបានសម្រេចគ្រាប់បាល់ ៣គ្រាប់ម្នាក់ឯងយ៉ាងអស្ចារ្យផងដែរនៅក្នុងការប្រកួតនេះ។
គ្រាប់បាល់ទាំង៣ របស់កីឡាករ Robert Lewandoski ធ្វើបានសម្រេចនៅនាទីទី២០ ដោយគ្រាប់បាល់ពិន័យ ១១ម៉ែត្រ ខណៈគ្រាប់ទី២ ធ្វើបាននៅនាទីទី៥០ និងគ្រាប់បាល់ចុងក្រោយសម្រេចបាននៅនាទីទី៧៥ ដែលនាំឱ្យនេះជាការធ្វើបានសម្រេចគ្រាប់បាល់ Hat-Trick ជាលើកទី៩ ក្នុងក្របខណ្ឌ Bundesliga ខណៈដែលនេះក៏ជាការទទួលបាន ៣ពិន្ទុដំបូងយ៉ាងសំខាន់របស់គ្រូបង្វឹក Niko Kovac ខណៈដែលសប្ដាហ៍ដំបូង Bayern Munich បានត្រឹមស្មើ Hertha Berlin ២–២ ប៉ុណ្ណោះ។
គួររម្លឹកថា ក្រុមការពារតំណែងជើងឯក Bayern Munich នឹងត្រូវមានភារកិច្ចជួបជាមួយក្រុម Mainz 05 ជាបន្តទៀតនៅចុងសប្ដាហ៍នេះនាទឹកដីកីឡដ្ឋាន Allianz Arena របស់ខ្លួន៕
Bayern Munich ទទួលបាន ៣ពិន្ទុ ខណៈ Robert Lewandoski ធ្វើបាន Hat-Trick នៅសប្ដាហ៍ទី២ Bundesliga
អត្ថបទទាក់ទង