បាល់ឱប៖ អតីតកីឡាករបាល់ឱបជំរើសជាតិអង់គ្លេស James Haskell បានក្លាយជាកីឡាករគុនចំរុះ MMA ក្រោយចុះហត្ថលេខាលើកិច្ចព្រមព្រៀង ជាមួយក្រុមសមាគម Bellator MMA។ បុរសវ័យ ៣៤ឆ្នាំរូបនេះរំពឹងថា នឹងចាប់ផ្ដើមអាជីពថ្មីលើកីឡាករគុនចំរុះ ប្រភេទទម្ងន់ធ្ងន់នេះឆ្នាំក្រោយ។
អតីតកីឡាករបាល់ឱបអាជីពជាមួយក្លិប Wasps និង Northampton Saints និងបង្ហាញខ្លួនអោយក្រុមជំរើសជាតិអង់គ្លេសបាន ៧៧លើករូបនេះបានចូលនិវត្តន៍ ពីកីឡាបាល់ឱបកាលពីខែឧសភាកន្លងទៅ។ Haskell កន្លងទៅធ្លាប់បានហ្វឹកហាត់ MMA នេះជាមួយកីឡាករ MMA អង់គ្លេស Michael Venom Page និងធ្លាប់ធ្វើការជាអ្នកវិភាគតាមទូរទស្សន៍ក្នុងព្រឹត្តិការណ៍ MMA ផ្សេងៗផងដែរ។
Bellator MMA បានអោយដឹងថា Haskell ត្រូវបន្តហ្វឹកហាត់ទៀត មុននឹងទទួលបានការប្រកួតដំបូងនៅឆមាសទីមួយឆ្នាំ២០២០ ខាងមុខ។ រំលឹកថា James Haskell ធ្លាប់ជាសមាជិកក្រុមជំរើសជាតិអង់គ្លេសបង្ហាញខ្លួននៅ World Cup Rugby ពីរលើក និងឈ្នះជើងឯក Six Nations បីលើកផងដែរបូករួមទាំង Grand Slam នៅឆ្នាំ២០១៦។ តែដោយសាររបួសកជើង និងប្រអប់ជើងកាលពីរដូវកាលមុនជាមួយក្លិបបាល់ឱប Northampton ធ្វើអោយ James Haskell បានសំរេចចិត្តចូលនិវត្តន៍ពីអាជីព ដែលខ្លួនបានចំណាយពេល ១៧ឆ្នាំនេះ៕
អត្ថបទ៖នាង សុភាវុធ Credit: BTV
សូមចុចលីងនេះដើម្បីលៃផេកផងអរគុណច្រើន Usportkh CamsportNews Real Madrid C.F Boxing Football Boxing ដឹងគ្រប់យ៉ាង