អ្នកគាំទ្ររាប់ពាន់នាក់របស់ក្លិបបាល់ទាត់ទួរគី Galatasaray បានស្វាគមន៍ការបង្ហាញខ្លួនរបស់កីឡាករចំណូលថ្មី Radamel Falcao នៅកីឡដ្ឋាន Turk Telekom ទីក្រុង Istanbul ប្រទេសទួរគី។ កីឡាករកូឡុំប៊ីរូបនេះទទួលបានកិច្ចសន្យា ៣ឆ្នាំជាមួយក្លិបទួរគី បន្ទាប់ពីកិច្ចសន្យាជាមួយក្លិបបារាំង AS Monaco អស់សុពលភាពក្រោយចប់រដូវកាលមុន។
កីឡាករវ័យ ៣៣ឆ្នាំរូបនេះបានបង្ហាញខ្លួននៅចំពោះមុខអ្នកគាំទ្រ រួមជាមួយកីឡាករចំណូលថ្មី ៧នាក់ផ្សេងទៀត។ ការមកដល់របស់ Falcao បានធ្វើអោយអ្នកគាំទ្រ Galatasaray សប្បាយចិត្តខ្លាំង ក្នុងនោះយើងឃើញថា គ្រាន់តែការមកដល់ព្រលានយន្តហោះ មានអ្នកគាំទ្ររង់ចាំទទួលដល់ទៅ ២៥០០០នាក់។
Radamel Falcao គឺជាសមាជិករបស់ Monaco ដែលជួយក្រុមលើកពាន Ligue 1 រដូវកាល ២០១៦–១៧ ក្រោយផ្ទេរពី Atletico Madrid នៅឆ្នាំ២០១៣។ Falcao ស៊ុតបញ្ចូលទីអោយ Monaco បាន ៨៣គ្រាប់ ខណៈរដូវកាលមុនរកបាន ១៦គ្រាប់៕
អត្ថបទ៖នាង សុភាវុធ Credit: BTV
សូមចុចលីងនេះដើម្បីលៃផេកផងអរគុណច្រើន Usportkh CamsportNews Real Madrid C.F Boxing Football Boxing ដឹងគ្រប់យ៉ាង
