Cristiano Ronaldo ចង់ឈ្នះពានរង្វាន់ Ballon d’Or ចំនួន៨

កីឡាករខ្សែប្រយុទ្ធឆ្នើម Cristiano Ronaldo ដែលមានរហ័សនាមថា CR7 បាននិយាយប្រាប់អ្នកសារព៌តមានថាគាត់ចង់ឈ្នះពានរង្វាន់ Ballon d’Or ចំនួន ៨ ដងក្នុងអាជីពបាល់ទាត់របស់គាត់ ដើម្បីឈានទៅរកភាពលេចធ្លោរជាងកីឡាករឆ្នើមដូចគ្នាគឺ Lionel Messi។

CR7 គឺជាតារាឆ្នើមបច្ចុប្បន្នរបស់ក្រុមសេះបង្កង់ Juventus និងគូរប្រជែងរបស់គាត់កីឡាករ Lionel Messi សុទ្ធតែបានឈ្នះពានរង្វាន់ Ballon d’Or ម្នាក់៥ដងរួចទៅហើយ ដោយកីឡាករទាំង២រូបនេះ ជាកីឡាករដែលឈ្នះពាន Ballon d’Or ច្រើនជាងគេក្នុងប្រវត្តិសាស្រ្តបាល់ទាត់ ហើយកីឡាករ Cristiano Ronaldo មានមហិច្ចតាចង់បានពានលើស Messi។

នៅក្នុងកិច្ចសំភាសន៍រវាងខ្សែរប្រយុទ្ធ Ronaldo និងលោក Piers Morgan ក្នុង ITV កីឡាករវ័យ៣៤ឆ្នាំរូបនេះបានបញ្ជាក់ថា៖ “បើនិយាយអំពីពាន Golden Ball ច្រើនក្នុងប្រវត្តិសាស្រ្ត ខ្ញុំគិតថាខ្ញុំសមនឹងទទួលវាជាងគេ។ ក៏ប៉ុន្តែ Messi គឺជាបុរសអស្ចារ្យនិងជាកីឡាករឆ្នើមម្នាក់ ហើយខ្ញុំគិតថាបន្ទាប់ពីខ្ញុំមាន ៦ ឬ ៧ ឬ ៨ បន្ទាប់មកខ្ញុំនឹងឈរនៅលើគាត់” នេះគឺជាសំដីពិតចេញពីបេះដូងរបស់ខ្ញុំដែលមានបំណងចង់បានភាពល្បីល្បាញកាន់តែខ្លាំងនៅលើវិស័យបាល់ទាត់នេផងដែរ។

Ronaldo បានបន្តទៀតថា៖ “ទំនាក់ទំនងរបស់ខ្ញុំជាមួយគាត់ [Messi] ពួកយើងមិនមែនជាមិត្តភក្តិនៅផ្ទះជាមួយគ្នាទេប៉ុន្តែយើងពួកយើងតែងតែឈរលើឆាកអន្តរជាតិជាមួយគ្នាអស់រយៈពេល ១៥ ឆ្នាំហើយ។ ខ្ញុំមានទំនាក់ទំនងល្អហើយខ្ញុំដឹងថាគាត់ជំរុញខ្ញុំឱ្យក្លាយជាកីឡាករល្អជាងហើយខ្ញុំក៏ជំរុញគាត់ផងដែរ”។ គួររំលឹកផងដែរថា ក្នុងអំឡុងឆ្នាំ២០០៨ ដល់ ឆ្នាំ២០១៧ មានតែ Ronaldo និង Messi ប៉ុណ្ណោះដែលឈ្នះពាន Ballon d’Or នេះ៕