ខ្សែប្រយុទ្ធរបស់ក្រុម Paris Saint Germain គឺ Neymar ដែលត្រូវបាន UEFA ពិន័យមិនអោយលេងនៅក្របខណ្ឌអឺរ៉ុប UEFA Champions League ៣ប្រកួតនោះត្រូវបានកាត់បន្ថយមកត្រឹម ២ប្រកួតវិញ នេះបើតាមការសំរេចតុលាការវិនិច្ឆ័យកីឡា។
កីឡាករវ័យ ២៧ឆ្នាំរូបនេះត្រូវបានពិន័យដោយ UEFA កាលពីរដូវកាលមុន បន្ទាប់ពីធ្លាក់ចេញត្រឹមវគ្គ ១៦ក្រុមចុងក្រោយ Champions League ក្រោមថ្វីដៃក្រុមបិសាចក្រហម Manchester United កាលពីថ្ងៃទី៦ ខែមិនាកន្លងទៅ។ Neymar បានហៅការផ្ដល់បាល់ពិន័យ ១១ម៉ែត្រនៅនាទីទី៩០+៤ អោយ Manchester United ថា ជារឿងគួរអោយអាម៉ាស់បំផុតនៅពេលមនុស្ស ៤នាក់មិនដឹងអីសោះពីបាល់ទាត់ បានត្រឹមមើលវីដេអូសាឡើងវិញ។
រំលឹកថា ការប្រកួតរវាង PSG និង ManU នៅពេលនោះក្រោមការកាត់សេចក្ដីរបស់លោក Damir Skomina ដែលបានពិនិត្យមើលវីដេអូសាឡើងវិញ ទើបសំរេចអោយបាល់ពិន័យ ១១ម៉ែត្រនោះ។
ក្រោយមក UEFA បានសំរេចដាក់ពិន័យ Neymar មិនអោយលេងនៅ UCL ក្រោយចាញ់ការប្រកួតនោះ។ ដូច្នេះក្រោយកាត់បន្ថយមកត្រឹម ២ប្រកួត មានន័យថា Neymar នឹងអាចចូលលេងអោយ PSG វិញបាននៅ Champions League ពេលជួបជាមួយ Club Bruges ថ្ងៃទី២២ ខែតុលា ខណៈពីរប្រកួតដំបូងជួបជាមួយ Real Madrid និង Galatasaray ត្រូវអនុវត្តពិន័យ៕
សូមចុចលីងនេះដើម្បីលៃផេកផងអរគុណច្រើន Usportkh CamsportNews Real Madrid C.F Boxing Football Boxing ដឹងគ្រប់យ៉ាង