ទីបំផុតម្ចាស់ក្លឹប Paris Saint-Germain ដែលមានឈ្មោះថាQatar Sports Investmentsនិងមានប្រធានក្លឹបជាមហាសេដ្ឋីសញ្ជាតិកាតាលោកលោក Nasser bin Ghanim Al-Khelaifi បានបង្ហាញពីអារម្មណ៏ ធុញទ្រាន់ចំពោះខ្សែប្រយុទ្ធ Neymar ហើយ។ពោលគឺបន្ទាប់ពីកីឡាករវ័យ ៣០ ឆ្នាំរូបនេះបានតស៊ូជាមួយ យុទ្ធនាការដ៏លំបាកជាមួយបញ្ហារបួសដោយរកគ្រាប់បាល់បានតែ ៧ គ្រាប់ និង assists ៥ដងប៉ុណ្ណោះនៅ ក្នុងការបង្ហាញខ្លួន ២២ លើកសម្រាប់ក្រុម លោក Mauricio Pochettinoនៅរដូវកាលនេះ ។
យ៉ាងណាមិញNeymar បានជួយ PSG ឈ្នះជើងឯក Ligue ១បីដង និង Coupe de France ៣ ដង ក្រោយចូលរួមក្នុងនាមជាកីឡាករដែលមានតម្លៃកំនត់ត្រាថ្លៃបំផុតរបស់ពិភពលោកក្នុងឆ្នាំ ២០១៧ និងរកបានគ្រាប់បាល់ស៊ុតបញ្ចូលទី៩៤ គ្រាប់ និង Assist៥៧ដង ក្នុងការបង្ហាញខ្លួន១៣៨ប្រកួត។
គេហទំព័រMarcaបានលើកឡើងថាម្ចាស់ក្លឹបខាងលើបានបង្ហាញពីចេរនាដោយបញ្ជាក់ថាការសម្រេចចិត្តរបស់ពួកគេដោយបានចំណាយប្រាក់ដល់ទៅ២២២លានយូរ៉ូនឹងប្រាក់ បៀវត្សរ៍ដ៏ច្រើនសម្រាប់ Neymarគឺនៅឡើយមិនទាន់ទទួលបានលទ្ធផលសមប្រកបតាមអ្វីដែលចង់បាននៅឡើយខណៈក្លឹបបង្ហាញពីភាពមិនអាចទៅរួចក្នុងការលក់រូបគេចេញនៅពេលនេះ។ ប្រភពខាងលើបន្តថាៈ កិច្ចសន្យារបស់ខ្សែប្រយុទ្ធអន្តរជាតិប្រេស៊ីលជាមួយ PSG មានសុពលភាពរហូតដល់ឆ្នាំ២០២៥ ខណៈ ប្រធានក្លឹប PSG មានអារម្មណ៏សោកស្តាយដែលផ្តល់កុងត្រាថ្មីសម្រាប់អតីតកីឡាករBarcelona រូបនេះ ស្របពេលNeymar និង មិត្តរួមក្រុមLionel Messi ទើបតែទទួលរងការ ជេរប្រមាថកាលពីពេល ថ្មីៗនេះផងដែរ។