លោក Xavier Hernández Creus បានលើកឡើងថា កីឡាករ Raheem Sterling លេងបានល្អជាង Neymar, Kylian Mbappe និង Mohamed Salah ទៅទៀត។
អតីតកីឡាករឆ្នើមរបស់ក្លឹប Barcelona គឺលោក Xavi ជឿថាកីឡាករ Raheem Sterling កំពុងរីកចម្រើននៅលើគន្លងមួយដ៏ត្រឹមត្រូវឆ្ពោះទៅរកភាពល្បីល្បាញក្នុងនាមជាកីឡាករដែលឆ្នើមបំផុតក្នុងលោក បន្ទាប់ពីកីឡាករ Lionel Messi និង Cristiano Ronaldo ចាប់ផ្ដើមថយប្រជាប្រិយភាព។
តារាបាល់ទាត់របស់ក្លឹប Manchester City រូបនេះបានចាប់ផ្ដើមរដូវកាលថ្មី ដោយរកបានគ្រាប់បាល់ ៨គ្រាប់ឱ្យក្លឹប និងប្រទេសរបស់គេ។ ការរកគ្រាប់បាល់ និងទម្រង់លេងរបស់គេចាប់ផ្ដើមរីកចម្រើនខ្លាំងដោយសារការណែនាំរបស់លោក Pep Guardiola ហើយកីឡាករដែលមានវ័យ ២៤ឆ្នាំរូបនេះត្រូវបានជ្រើសរើសឱ្យលេងក្នុងជម្រើស ១១នាក់ដំបូងសម្រាប់ក្លឹបជើងឯកមួយនេះ។
Sterling បានឈ្នះពានរង្វាន់ Golden Boy របស់អឺរ៉ុបកាលពីឆ្នាំ២០១៤ ដែលផ្ដល់ឱ្យកីឡាករវ័យក្មេងដែលឆ្នើមបំផុតក្នុងវិស័យបាល់ទាត់របស់ទ្វីបអឺរ៉ុប។ លោក Xavi គិតថាកីឡាករជម្រើសជាតិអង់គ្លេសរូបនេះកំពុងឈានទៅជំនួសតំណែងរបស់ Messi និង Ronaldo។
លោក Xavi បាននិយាយប្រាប់សារព័ត៌មាន The Mirror ថា៖ “Messi ជាកីឡាករដែលឆ្នើមបំផុតជារៀងរហូតសម្រាប់ខ្ញុំ ហើយទោះបីជាពួកគេទាំងពីរកំពុងមានប្រជាប្រិយភាពបំផុតក៏ដោយ មិនយូរប៉ុន្មានទេ នឹងមានកីឡាករផ្សេងទៀតដែលនឹងមកជំនួសតំណែងមួយនេះ”។
“បើយើងពិនិត្យមើលកីឡាករវ័យក្មេងដែលអាចនឹងជំនួសតំណែងកីឡាករឆ្នើមបំផុតក្នុងលោក យើងនឹងគិតដល់ Neymar, Kylian Mbappe, Mohamed Salah និង Sterling។ ក្នុងពេលនេះ ខ្ញុំគិតថាគឺ Sterling ដែលកំពុងនាំមុខគេ”។
Credit: foxsports.com
សូមចុចលីងនេះដើម្បីលៃផេកផងអរគុណច្រើន Usportkh CamsportNews Real Madrid C.F Boxing Football Boxing ដឹងគ្រប់យ៉ាង
