បរទេស៖ ខ្សែប្រយុទ្ធ Raheem Sterling បានសារភាពកាលពីថ្ងៃព្រហស្បតិ៍ថា រូបគេ «នឹងបើកចំហរ» ឲ្យមានការផ្ទេរចេញពីក្លិប Manchester City ដើម្បីអាចមានឱកាសលេងការប្រកួតបានកាន់តែច្រើនជាងមុន បើទោះបីត្រូវផ្ទេរទៅកាន់ក្លិបរទេសក៏ដោយ។ ខ្សែប្រយុទ្ធអន្តរជាតិអង់គ្លេសវ័យ២៦ឆ្នាំ បានស្ថិតនៅជាមួយនឹងក្រុមម្ចាស់ជើងឯកក្របខ័ណ្ឌ Premier League មួយនេះ ចាប់តាំងពីឆ្នាំ២០១៥ នៅពេលដែលរូបគេបានផ្ទេរមកពីក្លិប Liverpool។
ប៉ុន្តែ ទោះបីជាយ៉ាងណា រូបគេបានបង្ហាញខ្លួនត្រឹមតែ២លើកគត់ក្នុងក្របខ័ណ្ឌ Premier League នៅរដូវកាលនេះ ក្រោមការដឹកនាំរបស់លោក Pep Guardiola។ ក្នុងពេលនិយាយក្នុងកម្មវិធី FT Business of Sport US Summit កីឡាករ Sterling បានឲ្យដឹងថា៖ «ប្រសិនបើមានឱកសាក្នុងការទៅកន្លែងផ្សេង ដើម្បីអាចលេងការប្រកួតកាន់តែច្រើនបន្ថែមទៀត ខ្ញុំនឹងបើកចំហរឲ្យមានការផ្ទេរនៅពេលនេះ»។
តារាឆ្នើមរូបនេះបានបន្ថែមទៀតថា៖ «ដូចដែលខ្ញុំបាននិយាយអ៊ីចឹង កីឡាបាល់ទាត់គឺជារឿងដ៏សំខាន់បំផុតចំពោះខ្ញុំ ដោយនេះគឺជាការប្រជែងដែលខ្ញុំបានកំណត់ខ្លួនតាំងពីវ័យកុមារ ហើយក៏មានសុបិន ដើម្បីលេងនៅក្រៅស្រុកផងដែរ»។ Sterling អាចនឹងបង្ហាញខ្លួនក្នុងជម្រើសដំបូងទាំងកម្រក្នុងការប្រកួតនៅថ្ងៃសៅរ៍ ជាមួយនឹងក្រុម Burnley ក្រោយពីខ្សែបម្រើ Ferran Torres បានរងរបួសប្រអប់ជើង ក្នុពេលលេងឲ្យក្រុមជម្រើសជាតិអេស្ប៉ាញ ក្នុងយុទ្ធនាការ Nations League៕
ប្រភពព័ត៌មាន៖ Channel News Asia
