បរទេស៖ Raheem Sterling កំពុងសម្លឹងឪកាសស្វែងរកគ្រាប់បាល់ជាលើកដំបូងក្នុងអាជីពសម្រាប់ក្រុមភ្ញៀវ Man. City នៅពេលធ្វើដំណើរទៅសួរសុខទុក្ខក្រុមម្ចាស់ផ្ទះនិងជាក្លឹបរួមទីក្រុង Manchester គឺMan.Utd នៅទឹកដី Old Traffordនារាត្រីថ្ងៃសៅរ៏ស្អែកនេះ។ខ្សែបម្រើប្រយុទ្ធស្លាប វ័យ ២៦ ឆ្នាំរូបនេះបានចាប់ផ្តើមការប្រកួត Premier League ត្រឹមតែ ៣ ដងប៉ុណ្ណោះក្នុងរដូវកាលនេះ ប៉ុន្តែក្រោយពីរកបានគ្រាប់បាល់ក្នុងពេលផ្តួល Club Brugge កាលពីយប់ថ្ងៃពុធ នៅក្របខណ្ឌChampion League ដូច្នេះខ្សែបម្រើស្លាបរូបនេះសង្ឃឹមថានិងមានឪកាសបង្ហាញខ្លួនជម្រើស១១នាក់ដំបូងសម្រាប់ក្រុម លោក Pep Guardiola នៅចុងសប្តាហ៍នេះ។
គួររំលឹកថាSterling ជានិច្ចជាកាលតែងតែប្រឈមជាមួយមិត្តរួមជាតិងអង់គ្លេស Aaron Wan-Bissaka សម្រាប់ឪកាសរកគ្រាប់បាល់កំលុងពេលជួបជាមួយMan.Utdរៀងរាល់ការប្រកួតរាល់ដងសម្រាប់រយៈពេលប៉ុន្មានឆ្នាំចុងក្រោយថ្មីៗនេះ។ ពោលគឺកំលុងពេលលេងអោយLiverpool និង ក្រោយផ្លាស់មកកាន់ក្លឹប Man.City រួចមកSterling ចូលលេងទល់និងMan.Utdបាន២៣ដង(១៩លើកចូលលេងជម្រើសដំបូង)ក្នុងនោះនៅក្របខណ្ឌ Premier League១៦លើកចុងក្រោយស្មើនិងចូលលេងបាន១៦៦២នាទី និងស៊ុតបាន៣៨លើក និងចំគោលដៅ១៥ដង ប៉ុន្តែនៅឡើយរកបានគ្រាប់បាល់បញ្ចូលទី១គ្រាប់ណានៅឡើយទេ។
Sterling បានត្រឹមតែបង្កើតឪកាសបញ្ចប់ទីសម្រាប់ Ilkay Gundogan ក្នុងការបរាជ័យចាញ់ក្នុងផ្ទះ ៣ទល់និង២ក្នុងខែមេសា ឆ្នាំ ២០១៨ ហើយបន្តAssist អោយ Leroy Sane ផ្តួលMan.Utdក្រៅទឹកដី២ទល់និង០ក្នុងខែមេសា ឆ្នាំ ២០១៩ប៉ុណ្ណោះ។ .ផ្ទុយទៅវិញ Sterling ពិតជាចង់បំបែកកំនត់ត្រាដ៏យូរដែលរូបគេខកខានរកគ្រាប់បាល់ដោយរកបានតែពីរគ្រាប់ប៉ុណ្ណោះក្នុងការប្រកួត Premier League ១៨លើកចុងក្រោយពោលគឺបូករួមទាំងការប្រកួតកាលពីរដូវកាលមុនដូច្នេះសង្ឃឹមថារូបគេនិងមានឪកាសរកបានគ្រាប់បាល់នាឪកាសនេះ៕
ប្រភពព័ត៍មាន៖ Sportsmole